Qazaqstan ókili alǵash ret jeńil atletikadan Álem chempionatynyń altynyn jeńip aldy, - dep habarlaidy "Ult aqparat".
Bul tarihi oqiǵa Oregondaǵy (AQSh) álemdik dodada boldy. Qazaqstandyq atlet Nora Djerýto 3000 metrge kedergiler arqyly júgirýden birinshi oryn aldy. Sportshy bul qashyqtyqty 8:53,02 minýtta júgirip ótip, Álem birinshiliginiń rekordyn ornatty.
Osylaisha, jeńil atletika tarihynda Qazaqstan qorjynyna alǵash ret Álem chempionatynyń altyn medali tústi.
Ekinshi jáne úshinshi oryndar Efiopiia ókilderi Verkýha Getachiý (8:54,61) men Mekides Abebege (8:56,08) buiyrdy.
Eske salaiyq, Djerýto jáne taǵy eki keniialyq atlet Deizi Djepkimei, Karolin Kipkirýi Keniia quramasyna ene almaǵan soń, 2017 jyly Qazaqstanǵa kelgen. Aldymen bul atletterdi ShQO ákimi ári Qazaqstan jeńil atletika federatsiiasynyń basshysy Danial Ahmetovtiń bastamasymen Óskemende qurylǵan "Altai Atletiks" klýbyna shaqyrǵan. Óskemenge kele sala olar Qazaqstan azamattyǵyn aldy. Biraq Álemdik jeńil atletika uiymy (World Athletics) erejesine sai, azamattyǵyn aýystyrǵan atletterge úsh jyl "karantinde" bolyp, odan soń ǵana jańa el atynan jarysqa qatysýǵa ruqsat.
Osylaisha World Athletics 2022 jyly qańtarda úsh keniialyqty "karantinnen" shyǵaryp, Qazaqstan atynan jarysqa qatysýǵa ruqsat etti. Olardy ózderimen erip kelgen bapkeri Kennet Rotich jattyqtyrady.
Aita keteiik, buǵan deiin jeńil atletikada Olga Rypakova men Olga Shishigina, sondai-aq Grigorii Egorov Álem chempionatynda altynǵa bir qadam jaqyn bolǵan.
