قازاقستان ٶكٸلٸ العاش رەت جەڭٸل اتلەتيكادان ەلەم چەمپيوناتىنىڭ التىنىن جەڭٸپ الدى, - دەپ حابارلايدى "ۇلت اقپارات".
بۇل تاريحي وقيعا ورەگونداعى (اقش) ەلەمدٸك دودادا بولدى. قازاقستاندىق اتلەت نورا دجەرۋتو 3000 مەترگە كەدەرگٸلەر ارقىلى جٷگٸرۋدەن بٸرٸنشٸ ورىن الدى. سپورتشى بۇل قاشىقتىقتى 8:53,02 مينۋتتا جٷگٸرٸپ ٶتٸپ, ەلەم بٸرٸنشٸلٸگٸنٸڭ رەكوردىن ورناتتى.
وسىلايشا, جەڭٸل اتلەتيكا تاريحىندا قازاقستان قورجىنىنا العاش رەت ەلەم چەمپيوناتىنىڭ التىن مەدالٸ تٷستٸ.
ەكٸنشٸ جەنە ٷشٸنشٸ ورىندار ەفيوپييا ٶكٸلدەرٸ ۆەركۋحا گەتاچيۋ (8:54,61) مەن مەكيدەس ابەبەگە (8:56,08) بۇيىردى.
ەسكە سالايىق, دجەرۋتو جەنە تاعى ەكٸ كەنييالىق اتلەت دەيزي دجەپكيمەي, كارولين كيپكيرۋي كەنييا قۇراماسىنا ەنە الماعان سوڭ, 2017 جىلى قازاقستانعا كەلگەن. الدىمەن بۇل اتلەتتەردٸ شقو ەكٸمٸ ەرٸ قازاقستان جەڭٸل اتلەتيكا فەدەراتسيياسىنىڭ باسشىسى دانيال احمەتوۆتٸڭ باستاماسىمەن ٶسكەمەندە قۇرىلعان "التاي اتلەتيكس" كلۋبىنا شاقىرعان. ٶسكەمەنگە كەلە سالا ولار قازاقستان ازاماتتىعىن الدى. بٸراق ەلەمدٸك جەڭٸل اتلەتيكا ۇيىمى (World Athletics) ەرەجەسٸنە ساي, ازاماتتىعىن اۋىستىرعان اتلەتتەرگە ٷش جىل "كارانتيندە" بولىپ, ودان سوڭ عانا جاڭا ەل اتىنان جارىسقا قاتىسۋعا رۇقسات.
وسىلايشا World Athletics 2022 جىلى قاڭتاردا ٷش كەنييالىقتى "كارانتيننەن" شىعارىپ, قازاقستان اتىنان جارىسقا قاتىسۋعا رۇقسات ەتتٸ. ولاردى ٶزدەرٸمەن ەرٸپ كەلگەن باپكەرٸ كەننەت روتيچ جاتتىقتىرادى.
ايتا كەتەيٸك, بۇعان دەيٸن جەڭٸل اتلەتيكادا ولگا رىپاكوۆا مەن ولگا شيشيگينا, سونداي-اق گريگوريي ەگوروۆ ەلەم چەمپيوناتىندا التىنعا بٸر قادام جاقىن بولعان.
