2022 jyly TMD elderiniń bilim berý salasyndaǵy yntymaqtastyq keńesine tóraǵalyq etedi. Sondai-aq elimizde TMD-ǵa qatysýshy memleketterdiń muǵalimderi men bilim berý salasy qyzmetkerleriniń VII sezi ótedi, dep habarlaidy BǴM baspasóz qyzmeti.
Mundai sheshim biyl Armeniiada ótken TMD elderiniń bilim berý salasyndaǵy yntymaqtastyq keńesi otyrysynyń qorytyndysy boiynsha biraýyzdan qabyldandy. Oǵan Qazaqstan, Resei, Qyrǵyzstan, Ózbekstan, Armeniia, Belarýs, Tájikstannan keńes músheleri, sondai-aq TMD Atqarýshy komitetiniń ókilderi men basqa da shaqyrylǵan tulǵalar qatysty. Qazaqstannyń atynan QR BǴM Bilim jáne ǵylym salasynda sapany qamtamasyz etý komitetiniń tóraiymy Gúlzat Kóbenova bardy.
Talqylaý barysynda keńeske qatysýshy elder Qazaqstan Respýblikasy Bilim jáne ǵylym ministrliginiń joǵary jáne orta bilim berý júiesindegi jumysyn atap ótti. Máselen, jańa bilim berý baǵdarlamalaryn engizý, akademiialyq adaldyqty qamtamasyz etý sheńberinde qabyldanǵan zańnamalyq normalar, pedagogterdiń jalaqysyn joǵarylatý, bilim berý júiesindegi kadrlardyń biliktiligin arttyrý boiynsha jumys, sondai-aq bilim berý protsesinde tsifrlyq tehnologiialardy paidalaný úshin zańnamalyq normalardy jetildirý.
«Otyrysta kún tártibindegi 19 másele talqylandy. Qatysýshy elderdiń bilim berý salasyndaǵy yntymaqtastyǵy boiynsha memleketaralyq baǵdarlamalar men josparlary bekitildi. Endi memleketter bilim alýshylar jáne ǵylymi-pedagogikalyq qyzmetkerler arasynda ózara almasý boiynsha jumysty keńeitip, joǵary oqý oryndary arasyndaǵy yntymaqtastyqty arttyrady, sonymen birge bilim berý salasyndaǵy ózara is-qimyldyń memleketaralyq baǵdarlamalaryn jasasady. Sondai-aq internet-resýrstardy paidalana otyryp, memleketaralyq aqparat almasý aýqymyn keńeitý, bilim berý baǵdarlamalaryn ilgeriletý boiynsha birlesken is-sharalar ótkizý týraly sheshim qabyldandy»,-dedi Bilim jáne ǵylym salasynda sapany qamtamasyz etý komitetiniń tóraǵasy Gúlzat Kóbenova.
Qazaqstanda ótetin TMD-ǵa qatysýshy memleketterdiń muǵalimderi men bilim berý salasy qyzmetkerleriniń VII seziniń taqyryby pandemiiadan keiingi kezeńdegi bilim berý protsesiniń jańa bolmysy men transformatsiiasyna arnalady.
