2022 جىلى تمد ەلدەرٸنٸڭ بٸلٸم بەرۋ سالاسىنداعى ىنتىماقتاستىق كەڭەسٸنە تٶراعالىق ەتەدٸ. سونداي-اق ەلٸمٸزدە تمد-عا قاتىسۋشى مەملەكەتتەردٸڭ مۇعالٸمدەرٸ مەن بٸلٸم بەرۋ سالاسى قىزمەتكەرلەرٸنٸڭ VII سەزٸ ٶتەدٸ, دەپ حابارلايدى بعم باسپاسٶز قىزمەتٸ.
مۇنداي شەشٸم بيىل ارمەنييادا ٶتكەن تمد ەلدەرٸنٸڭ بٸلٸم بەرۋ سالاسىنداعى ىنتىماقتاستىق كەڭەسٸ وتىرىسىنىڭ قورىتىندىسى بويىنشا بٸراۋىزدان قابىلداندى. وعان قازاقستان, رەسەي, قىرعىزستان, ٶزبەكستان, ارمەنييا, بەلارۋس, تەجٸكستاننان كەڭەس مٷشەلەرٸ, سونداي-اق تمد اتقارۋشى كوميتەتٸنٸڭ ٶكٸلدەرٸ مەن باسقا دا شاقىرىلعان تۇلعالار قاتىستى. قازاقستاننىڭ اتىنان قر بعم بٸلٸم جەنە عىلىم سالاسىندا ساپانى قامتاماسىز ەتۋ كوميتەتٸنٸڭ تٶرايىمى گٷلزات كٶبەنوۆا باردى.
تالقىلاۋ بارىسىندا كەڭەسكە قاتىسۋشى ەلدەر قازاقستان رەسپۋبليكاسى بٸلٸم جەنە عىلىم مينيسترلٸگٸنٸڭ جوعارى جەنە ورتا بٸلٸم بەرۋ جٷيەسٸندەگٸ جۇمىسىن اتاپ ٶتتٸ. مەسەلەن, جاڭا بٸلٸم بەرۋ باعدارلامالارىن ەنگٸزۋ, اكادەمييالىق ادالدىقتى قامتاماسىز ەتۋ شەڭبەرٸندە قابىلدانعان زاڭنامالىق نورمالار, پەداگوگتەردٸڭ جالاقىسىن جوعارىلاتۋ, بٸلٸم بەرۋ جٷيەسٸندەگٸ كادرلاردىڭ بٸلٸكتٸلٸگٸن ارتتىرۋ بويىنشا جۇمىس, سونداي-اق بٸلٸم بەرۋ پروتسەسٸندە تسيفرلىق تەحنولوگييالاردى پايدالانۋ ٷشٸن زاڭنامالىق نورمالاردى جەتٸلدٸرۋ.
«وتىرىستا كٷن تەرتٸبٸندەگٸ 19 مەسەلە تالقىلاندى. قاتىسۋشى ەلدەردٸڭ بٸلٸم بەرۋ سالاسىنداعى ىنتىماقتاستىعى بويىنشا مەملەكەتارالىق باعدارلامالار مەن جوسپارلارى بەكٸتٸلدٸ. ەندٸ مەملەكەتتەر بٸلٸم الۋشىلار جەنە عىلىمي-پەداگوگيكالىق قىزمەتكەرلەر اراسىندا ٶزارا الماسۋ بويىنشا جۇمىستى كەڭەيتٸپ, جوعارى وقۋ ورىندارى اراسىنداعى ىنتىماقتاستىقتى ارتتىرادى, سونىمەن بٸرگە بٸلٸم بەرۋ سالاسىنداعى ٶزارا ٸس-قيمىلدىڭ مەملەكەتارالىق باعدارلامالارىن جاساسادى. سونداي-اق ينتەرنەت-رەسۋرستاردى پايدالانا وتىرىپ, مەملەكەتارالىق اقپارات الماسۋ اۋقىمىن كەڭەيتۋ, بٸلٸم بەرۋ باعدارلامالارىن ٸلگەرٸلەتۋ بويىنشا بٸرلەسكەن ٸس-شارالار ٶتكٸزۋ تۋرالى شەشٸم قابىلداندى»,-دەدٸ بٸلٸم جەنە عىلىم سالاسىندا ساپانى قامتاماسىز ەتۋ كوميتەتٸنٸڭ تٶراعاسى گٷلزات كٶبەنوۆا.
قازاقستاندا ٶتەتٸن تمد-عا قاتىسۋشى مەملەكەتتەردٸڭ مۇعالٸمدەرٸ مەن بٸلٸم بەرۋ سالاسى قىزمەتكەرلەرٸنٸڭ VII سەزٸنٸڭ تاقىرىبى پاندەمييادان كەيٸنگٸ كەزەڭدەگٸ بٸلٸم بەرۋ پروتسەسٸنٸڭ جاڭا بولمىسى مەن ترانسفورماتسيياسىنا ارنالادى.
