Sýret: Kazinform
Qazaqstandyqtardyń ortasha ailyq jalaqysy 382 myń teńge. Bul ótken jylmen salystyrǵanda 12,2%-ǵa artyq. Mundai statistikany Finprom.kz saity berip otyr, dep habarlaidy "Ult aqparat".
Statistikaǵa súiensek, Atyraý, Mańǵystaý jáne Ulytaý oblystaryndaǵy turǵyndardyń ailyq tabysy joǵary. Sondai-aq alǵashqy bestikke Astana men Almaty da kiredi. Al Jetisý, Soltústik Qazaqstan jáne Jambyl oblystarynda, kerisinshe, jalaqy mólsheri tómen.
Álem boiynsha Qazaqstan 196 eldiń ishinde 80-shi orynda tur. Amerika valiýtasyna aiyrbastasaq, bizdiń ortasha jalaqymyz 673 dollarǵa teń. TMD elderiniń ishinde biz Reseiden (2,2 myń dollar) keiingi ekinshi oryndamyz.
Reitingte bizden tómen Túrkimenstan (654 dollar), Belarýs (621 dollar), Armeniia (541 dollar), Ázirbaijan (494 dollar), Ózbekstan (351 dollar), Qyrǵyzstan (228 dollar) jáne Tájikstan (169 dollar) tur.
Al dúniejúzinde eń joǵary jalaqy Shveitsariiada tirkeldi — 8,1 myń dollar. Alǵashqy úshtikte Liýksembýrg pen AQSh tur. Eń tómengi jalaqy Lesotoda (24 dollar), Angolada (27 dollar) jáne Malavide (31 dollar).
