QR Indýstriia jáne infraqurylymdyq damý vitse-ministri Amaniiaz Erjanov Tesla Motors kompaniiasynyń ókilderimen kezdesti, dep habarlaidy "Ult aqparat".
«Kezdesý barysynda taraptar ekijaqty yntymaqtastyqtyń múmkindikterin taqylady. Atap aitqanda, kompaniianyń Qazaqstan Respýblikasynyń infraqurylymdyq jobalaryna qatysýyn, avtokólik óndirisin, sondai-aq elektrli qýattandyrý júiesin (elektromobilder úshin) qurý múmkindigin qarastyrdy», - delingen atalǵan ministrliktiń málimetinde.
Vitse-ministr yntymaqtastyqqa qyzyǵýshylyq bildirip, mashina jasaý salasyn damytý jónindegi aldaǵy josparlar týraly habardar etti.
Budan buryn habarlanǵandai, Qazaqstanda 200-ge jýyq elektromobil bar.
Qazirgi ýaqytta elektromobilderge infraqurylym jasaý jumystary Nur-Sultan, Almaty qalalarynda jáne Nur-Sultan-Shýche tas jolynda qarqyndy júrgizilip jatyr.
