«Qazaqstan temir joly» UK» AQ basqarma tóraǵasy Saýat Myńbaev elimizdiń temirjoldaǵy konteiner júgi boiynsha Qytai men Eýropany jalǵaityn negizgi memleketke ainalǵanyn málim etti, dep habarlaidy QazAqparat.
«Qazaqstan temir jol» kompaniiasy da shekteý sharalarynyń salmaqty yqpalyn bastan ótkerdi. Jolaýshylar poiyzdaryn toqtatýǵa májbúr boldyq. Mundai shekteý sharalary tarihymyzda osy kúnge deiin bolǵan emes. Ótken jyly Qaýipsizdik keńesiniń otyrysynda kompaniianyń damý keleshegin talqylaǵan edik. Naqty nátije de boldy», - dedi Elbasy Nursultan Nazarbaev «Samuryq-Qazyna» keńesiniń otyrysynda.
«Qazaqstan temir joly» UK» AQ basqarma tóraǵasy Saýat Myńbaev kompaniianyń ótken jylǵy kórsetkishi týraly aityp berdi.
«Negizgi konteinerlik baǵdarlarǵa toqtala keteiin. Sebebi bul – tariften tys negizgi kiristi ákep otyrǵan sala. Negizgi tabys burynǵysha Qytai – Eýropa baǵytynan keledi. Negizgi úsh baǵyt bar. Birinshisi Mońǵoliia arqyly, ekinshisi taza Resei arqyly, úshinshisi Qazaqstan arqyly ótedi. Biz tranzittiń aýqymyn keńeitip, 4 aidyń ishinde osy úsh baǵdardyń ishinde úlesimizdi 91 paiyzǵa jetkizdik. Bizde bul baǵyttaǵy ósim 50 paiyzdy kórsetti», - dedi ol.
Saýat Myńbaev sonymen qatar Qytaidan Orta Aziiaǵa keletin tranzit te edáýir artqanyn aityp ótti.
«Ońtústik Kavkaz baǵytyndaǵy tranzit ósken joq. Ázerbaijan men Grýziia elderine shekteý sharalaryna bailanysty tranzit azaidy», - dedi ol.
Osy tusqa kelgende Elbasy aldaǵy ýaqytta osy Ázerbaijan men Grýziia elderi baǵyty áleýetke ie bolýy kerektigin eskertti.
«Biz osy maqsatta Túrkiia, Grýziia, Ázerbaijan elderimen aýqymdy jumystardy júrgizdik», - dedi Elbasy.
