Keiingi kezde keibir telegramm-bloktar men messendjerde «QTJ» UK» AQ-da jappai qysqartý bolatyny jaily aqparat taralyp jatyr. Osy áńgimege bailanysty kompaniianyń baspasóz qyzmeti túsinikteme berdi.
Baspasóz qyzmetiniń habarlaýynsha, kompaniiada qyzmetkerler sanyn ońtailandyrý men kadrlardy qysqartý degenniń ekeýi - eki bólek másele. Jalpy ońtailandyrý jumystary úsh negizgi faktorǵa súienedi.
«Birinshiden, bul balamaly temir jol kompaniialarymen salystyrǵanda eńbek ónimdiliginiń tómendigi. Máselen, Resei temirjolymen salystyrǵanda bizde eńbek ónimdiligi eki ese tómen, al soltústik amerikalyq temir jol kompaniialaryna jáne China Railways temirjolyna qaraǵanda múlde artta qalǵanbyz. Eger 1 shaqyrymdyq eksplýatatsiialyq jolǵa shaqqandaǵy jumysshylar sany jóninen kelsek RTJ-men salystyrýǵa bolady, al Deutsche Bahn temirjolynan bul rette 28% artta qalady. Al SATJ-ǵa qaraǵanda kósh keiin qalyp keledi. Al endi tehnikalyq jáne tehnologiialyq kórsetkishterge kelsek, onda mysaly, RTJ-da tielgen baǵdarlar úshin vagondardyń qozǵalysy boiynsha kepildik beretin «arqalaý» kúshi búgin de 2 200 shaqyrymdy qurasa, bul kórsetkish «QTJ» UK» AQ-da 215 shaqyrymnan aspaidy», - dep túsinikteme berdi kompaniia.
Ekinshiden SATJ-da barlyq qurylym negizgi tabysty biznes baǵyttardy damytýǵa baǵyttala otyryp qurylǵan. Basqa qalǵan kómekshi qyzmetter (avtokólik, tazalaý, ǵimarattardy kútip ustaý jáne t.b.) mamandandyrylǵan merdiger kompaniialardyń kúshimen qamtamasyz etiledi. Al «QTJ» UK» AQ-da, mysaly, jekemenshikte tozyǵy jetken 514 garaj ben 3111 avtokólik jáne arnaiy tehnika bar. Eksplýatatsiialyq shyǵyndar 6 mlrd-tan astam teńgeni quraidy. Bul jyl saiyn jalaqynyń ósýi, otyn men kólik sharýashylyǵynyń quramdas bólshekteri men olardy ustap otyrý baǵasynyń kóterilýine bailanysty kóbeiip otyr. Jyl saiyn tym tozyǵy jetken jáne isten shyǵarylǵan tehnikanyń bolýyna bailanysty aitarlyqtai qomaqty qarjy kapital salymdaryna kerek. Sondyqtan atalǵan qyzmetterdi naryqtan tartý áldeqaida tiimdirek bolady.
«Úshinshiden, «QTJ» UK» AQ qol eńbegin almastyratyn jańa tehnologiialardy engizýde. Máselen, «Magistral» ABJ sheńberinde mobildi diagnostikalyq quraldardy engizý» jobasy eskirgen, tiimdiligi az almaly qos joldy tirkeýishi joq aqaýtapqysh arbalardan avtomattandyrý jaǵyna qarai kóshýge múmkindik beredi. «Tasymal qujattaryn qaǵazsyz tehnologiiamen resimdeýdi engizý» jobasy klientterge kez kelgen yńǵaily orynnan elektrondy túrde júk tasymalyn resimdeýge septik etedi. Nátijesinde, mekenjaidy ózgertip jazýǵa beriletin ótinim merzimi 2 kúnnen 1 saǵatqa deiin qysqardy, sonymen qatar josparlaý úderisi 11 saǵattan 5 minýtqa azaidy. Klientterdiń stantsiia jumysshylarymen tikelei bailanysy azaityldy, sonyń arqasynda klientterdiń alym-salymǵa qatysty shaǵymdary kemidi jáne resimdeý barysynda jiberiletin qatelikter men jańylys jazýlar da qysqardy», - delingen habarlamada.
QTJ baspasóz qyzmeti birinshi kezekte aita keterligi, áleýetti qysqartýlardyń kólemi tolyǵymen ishki jaldaý kólemi arqyly jabylatynyn habarlaidy. Keiingi úsh jyl boiyna «QTJ» UK» AQ naryqtan jylyna 12 myńnan astam adamdy jalǵa alǵan.
«Qazirgi sátte ishki jaldaýǵa moratorii jariialanǵan jáne personaldy eń suranysqa ie birqatar mamandyq boiynsha daiyndaý jáne qaita daiyndaý baǵdarlamalary iske qosyldy (monterler, brigadirler, jolserikter jáne basqalary). Jumys orny ońtailandyrýǵa ushyraǵan jumysshylarǵa balamaly jaǵdai jasap, júielik tásil qoldanýdy qamtamasyz etý úshin personalǵa jeńil tietindei etip bosatý boiynsha keshendi baǵdarlama qabyldandy. Sol arqyly bolashaqta atalǵan jumysshynyń QTJ ishinde jáne basqa da uiymdarda jumyspen qamtylýy kózdeledi», - dep túsindiredi kompaniiadan.
Máselen, «Áskerilendirilgen temir jol kúzeti» AQ-nyń bosatylǵan jumysshysyna «QTJ» kompaniiasy tobynyń ishindegi vakansiialar usynylǵan. Osyndai jolmen 620 jumysshy jumysqa ornalastyrylǵan.
Aýtsorsingke beiindi emes fýnktsiialar qorytyndysyna kelsek, jalpy alǵanda áleýetti jetkizýshiler aldyna tiisti telimderge jumyldyrylǵan QTJ-nyń barlyq tilek bildirgen jumysshylaryn jumysqa ornalastyrý týraly mindetti shart qoiylady. Mundai mehanizm kelesidei qyzmet túrlerin aýtsorsingke shyǵarý barysynda qoldanylǵan: avtokólikpen qamtamasyz etý, júk vagondary parkine tehnikalyq qyzmet kórsetý jáne kútip ustaý, poshtalyq korrespondentsiia, lokomotiv brigadalary úshin demalys oryndaryn usyný boiynsha qyzmet.
Árbir jeke joba sheńberinde kompaniia jumysshylarǵa birneshe nusqa usynady. Onyń ishinde basqa qyzmetterge jumysqa ornalastyrý, ótemaqylar, zeinetke erterek shyǵa berý (eger jaramdy bolsa) syndy usynystar bar. Erekshe aita keterligi – barlyq usynylatyn sharalar temirjolshylar kásipodaǵymen kelisilip, jasalady.
«Shtatty ońtailandyrý jalaqy tólemi boiynsha qoldanystaǵy qor sheginde eńbek aqyny kóterýge múmkindik beretini - mańyzdy tuys. Aǵymdaǵy qarjy jaǵdaiynda jalaqyny kóterý boiynsha basqa kózder «QTJ» UK» AQ-da joq. Ulttyq temir jol kompaniiasy jumysshylarynyń ortasha jalaqysy «ónerkásiptik» sala boiynsha ortasha respýblikalyq deńgeiden 20%-ǵa artta qalady. Al RTJ-dan 40%-ǵa kem. 2024 jylǵa deiin personalǵa jeńil tietindei jumystan bosatý baǵdarlamasy esebimen «QTJ» UK» AQ jumysshylarynyń jalaqysy eń az degende 35%-ǵa ósiriledi. 2019 jyly qurylǵan rezerv esebimen 2020 jyldyń 1 qańtarynan bastap jalaqynyń 5% ósimi qamtamasyz etildi, jol monterleri úshin EQK-ne (eńbek qatysýynyń koeffitsienti) syiaqy berý syndy tetikter engizildi. Salalyq jáne basqa da jarystar úshin syiaqy berý qarastyryldy», - dep habarlaidy kompaniiadan.
