"Qazaqstan temir joly" UK" AQ kompaniialar tobynyń qaita uiymdastyrylýy qyzmettiń infraqurylymdyq jáne tasymal túrlerin ajyratý arqyly júzege asyrylady, - dep habarlaidy Ult.kz tilshisi premer-ministrdiń saityna silteme jasap.
Temir jol salasynyń nysanaly modelin qalyptastyrý Qazaqstan Respýblikasynyń kólik júiesiniń infraqurylymyn damytýdyń jáne yqpaldastyrýdyń 2020 jylǵa deiingi memlekettik baǵdarlamasy men Qazaqstan Respýblikasynyń 2020 jylǵa deiingi damýynyń strategiialyq josparyna sáikes qarastyrylǵan.
"Qazirgi tańda "QTJ - Infraqurylym" AQ bólip shyǵarý arqyly "Qazaqstan temir joly" UK" AQ qaita uiymdastyrýdy kózdeitin Qazaqstan Respýblikasy Úkimeti qaýlysynyń jobasy daiyndaldy, jaqyn arada ol múddeli memlekettik organdarǵa kelisýge joldanatyn bolady", - dep habarlady ulttyq kompaniiada.
Osylaisha, nysanaly model negizinde ulttyq jáne jeke tasymaldaýshylar úshin magistraldyq temirjol jelisine qoljetimdilikti teń negizde qamtamasyz etetin "QTJ - Infraqurylym" AQ tulǵasy retinde ulttyq infraqurylym operatoryn qurý kózdelgen.
Aita ketý kerek, qyzmettiń infraqurylymdyq jáne tasymal túrlerin bólý - bul Eýropalyq odaq, Avstraliia jáne Latyn Amerikasy elderinde tabysty iske asqan jáne liberalizatsiia, jeke bastamashylyqty jáne investitsiialardy tartý arqyly qyzmetterdiń tiimdiligi men sapasyn arttyrýǵa baǵyttalǵan temirjol joldaryn reformalaýdyń álemdik úrdisi.
