QR Parlament Májilisi «Qazaqstan Úkimeti men Tájikstan Úkimeti arasyndaǵy Óteýsiz áskeri-tehnikalyq kómek kórsetý týraly kelisimdi ratifikatsiialaý týraly» zań jobasy boiynsha jumysty bastady, dep habarlaidy QazAqparat tilshisi.
«Bul kelisimniń maqsaty - Qazaqstan Respýblikasynyń Tájikstan Respýblikasyna áskeri múlikti berý túrinde óteýsiz áskeri-tehnikalyq kómek kórsetý. Osy kelisim aiasynda áskeri múliktiń tizimi, oq-dáriler, qajetti quraldar, injenerlik jáne meditsinalyq jabdyqtar, múliktiń jetkizilýi tártibi, sondai-aq taraptardyń múlikti berýmen bailanysty mindettemeleri anyqtalady», - dedi palatanyń Halyqaralyq ister, qorǵanys jáne qaýipsizdik komitetiniń tóraǵasy Muhtar Erman Májilistiń jalpy otyrysynda.
Osy oraida ol komitet atalǵan zań jobasyn jumysqa alýǵa jáne ol boiynsha 2019 jylǵy 25 jeltoqsanǵa deiingi merzimde qorytyndy ázirleýge daiyn ekenin atap ótti.
