Qazaqstannyń qorǵanys ministrligi "Qazaqstan men Tájikstan úkimeti arasyndaǵy qaitarymsyz áskeri kómek berý jónindegi kelisimdi ratifikatsiialaý týraly" zań jobasyn ázirledi, dep habarlaidy Azattyq.
Zań jobasyn parlament bekitse, Qazaqstan Tájikstanǵa áskeri kómek retinde 3 millionnan astam qarý-jaraq beredi.
Qorǵanys ministrliginiń habarlaýynsha, bul kelisimge halyqaralyq sharttarǵa sáikes biyl qol qoiylǵan.
Áskeri tehnika Jambyl oblysynyń Otar stantsiiasyndaǵy áskeri aýmaqtan alynyp, temir jol arqyly Dýshanbeniń Rohati stantsiiasyna jetkizilmek. Kelisimge sáikes áskeri múlikten salyq alynbaidy. Tájikstan taraby shyǵyndy óz moinyna alady.
Dýshanbe men Nur-Sultan arasyndaǵy diplomatiialyq qatynas 1993 jyldyń 7 qańtarynan bastalǵan. Eki el 2015 jyly strategiialyq áriptestik jónindegi kelisimge qol qoiǵan.
19-20 mamyrda Qazaqstan prezidenti Qasym-Jomart Toqaev resmi saparmen Tájikstanǵa barǵan. Onda eki el prezidentiniń kezdesýi barysynda saýda-ekonomikalyq qatynasty nyǵaitý, investitsiia tartý, kólik-tranzit múmkindigin arttyrý jóninde kelisimge kelgen. Sonymen birge Qazaqstannan oqý oryndaryn ashý jóninde de talqylaǵan. Delegatsiia músheleri 6 qujatqa qol qoiǵan. Ol qujattardyń arasynda áskeri kómek jóninde kelisim bolmaǵan.
