Qazaqstannyń Tájikstandaǵy Elshisi Nurlan Seitimov Qazaqstan Respýblikasynyń gýmanitarlyq kómegin tájik tarapyna resmi tabystaý rásimine qatysty. Bul týraly QR SIM baspasóz qyzmeti habarlady.
«Qazaqstan Respýblikasy Úkimetiniń sheshimimen Tájikstanǵa 10 myń tonna, jalpy alǵanda 167 tsisterna jylytý mazýtyn jetkizý maqsatynda 3,9 mln. AQSh dollary bólindi» delingen habarlamada.
Elshi Tájikstan Respýblikasynyń Úkimeti janyndaǵy Memlekettik materialdyq rezervter agenttigi direktorynyń orynbasary Sohibdjon Ziiodýlloevqa ákelingen júktiń kýáligin tapsyrdy.
Elshi Nurlan Seitimov óz sózinde Qazaqstan jyl saiyn baýyrlas Tájikstannyń halqyna gýmanitarlyq kómek kórsetip kele jatqandyǵyn jáne onyń jalpy somasy 2006 jyldan beri 34,5 mln. AQSh dollarynan asqanyn atap ótti.
