Qazaqstan delegatsiiasy BUU Qaýipsizdik keńesiniń Ierýsalimniń quqyqtyq mártebesi týraly kezekten tys jinalysyna qatysty, dep habarlaidy SIM baspasóz qyzmeti.
Kezdesý barysynda BUU Bas hatshysynyń Taiaý Shyǵystaǵy Arnaiy ókili Nikolai Mladenovtyń brifingi tyńdaldy.
Qazaqstannyń BUU-nyń janyndaǵy Turaqty ókili Qairat Omarov elimizdiń Taiaý Shyǵys daǵdarysyna qatysty ustanymy anyq jáne ózgerissiz ekendigin jetkizdi.
Qazaqstan taraptar arasyndaǵy kelissózderdiń eki jaqty pishimde alǵyshartsyz ótkizilýin qoldaityndyǵyn bildirdi.
Palestindik-izraildik retteýge BUU Bas Assambleiasy jáne Qaýipsizdik Keńesiniń tiisti qararlary, sondai-aq Madrid pritsipteri, Beibitshiliktiń Jol kartasy, sonymen qatar 2002 jylǵy Arab beibit bastamasy negizinde qoldaý kórsetý qajettigi rastaldy.
Qazaqstan delegatsiiasy «eki elge eki memleket» formýlasyna balama joq ekendigin aitty. Qazaqstan BUU-nyń Bas hatshysy Antoniý Gýterrishtiń - «Ierýsalim mártebesi palestina-izrail retteýiniń finaldyq kezeńinde jáne BUU qararlarynyń negizinde Palestina jáne Izrail halyqtarynyń armandary men alańdaýshylyqtaryn eskere otyryp sheshilýi tiis» degen ustanymyna qoldaý bildirdi.
Qazaqstan Palestina halqynyń 1967 jylǵy shekaralarda astanasy Shyǵys Ierýsalim bolyp tabylatyn Palestina memleketin qura alý quqyǵyn tolyqtai qoldady.
