QR Energetika ministri Qanat Bozymbaev bastaǵan Qazaqstan Respýblikasynyń delegatsiiasy OPEK+ elderiniń óndiris kólemin erikti qysqartý týraly kelisimge múshe memleketterdiń altynshy ministrlik kezdesýiniń jumysyna qatysty, dep habarlaidy "Ult aqparat" Energetika ministrliginiń baspasóz qyzmetine silteme jasap.
Otyrys barysynda qatysýshylar álemdik munai naryǵyn turaqtandyrýǵa baǵyttalǵan birlesken is-sharalardy talqylady. 2018 jylǵy qarashadaǵy deńgeige qatysty OPEK+ kelisimin 2019 jylǵy 1 shildeden bastap 9 aiǵa uzartý arqyly munai óndirýdiń jalpy kólemin táýligine 1,2 mln barrelge azaitýǵa kelisti. Qazaqstan táýligine 1,86 mln barrel munai óndiretin bolady.
Sondai-aq, is-shara sheńberinde ministrler OPEK-ke múshe elder men OPEK-ke kirmeitin memleketter arasyndaǵy yntymaqtastyq týraly Hartiia jobasynyń mátinin kelisti. Bul qujat OPEK+ elderi arasyndaǵy yntymaqtastyqty institýttandyrýǵa múmkindik týdyrady.
Budan buryn Qazaqstan Respýblikasynyń Prezidenti Qasym-Jomart Toqaev Saýd Arabiiasynyń Koroli Salman ben Abdel Aziz Al Saýdpen telefon arqyly sóilesý kezinde Qazaqstan 2019 jyldyń sońyna deiin OPEK+ kelisiminiń qoldanylý merzimin uzartý jónindegi Saýd bastamasyn qoldaityny týraly aitqan edi.
Qazaqstan OPEK elderimen jáne OPEK-ke kirmeitin memlekettermen álemdik munai naryǵyn turaqtandyrýǵa jáne munai indýstriiasy investorlarynyń senimdiligin qalpyna keltirýge baǵyttalǵan belsendi yntymaqtastyqty júrgizýde. Álemdik munai naryǵynyń turaqtylyǵyn saqtaý - Qazaqstan Respýblikasynyń múddelerine sai keledi, sebebi munai salasy el ekonomikasynda eleýli rólge ie.
Esterińizge sala ketsek, 2018 jylǵy jeltoqsanda óndirýdi táýligine 1,86 mln barrelge qysqartý boiynsha mindettemelerdi qabyldai otyryp, Qazaqstan OPEK+ elderiniń 2019 jyldyń birinshi jarty jyldyǵynda óndirý kólemin qysqartý boiynsha mámileni qoldady.
Osy jyldyń alty aiynyń qorytyndysy boiynsha Qazaqstanda ortasha táýliktik óndirý kólemi 1,79 mln barreldi qurady. Osylaisha, Qazaqstan OPEK+ aldyndaǵy óndirýdi táýligine 70 myń barrelge qysqartý boiynsha óz mindettemelerin asyra oryndady.
