Elimizde Qazaqstan Respýblikasy Táýelsizdiginiń 30 jyldyǵyna arnalǵan is-sharalar ótýde. Mereitoidy merekeleý tujyrymdamasyna sáikes ár ai belgilengen jeke taqyryppen ótedi. Atap aitqanda, Naýryz eldiń ulttyq dástúrleri men mádenietine arnalsa, al sáýir aiy «Ǵylym jáne tehnologiialar» aidarymen ótedi.
Barlyq is-sharalar men jobalar mereitoilyq jyldyń basty ideiasy «Jasampazdyqqa toly jyldar» belgisimen ótkiziledi.
Qazaqstan Táýelsizdiginiń 30 jyldyǵyn merekeleýdiń sáýir aiyndaǵy kestesi oqýda, ǵylymda joǵary jetistikterdi kórsetip júrgen jas talantty qazaqstandyqtardy tanytý jáne qoldaý jónindegi birqatar is-sharalardy qamtidy.
«Jastarǵa myqty táýelsiz Qazaqstandy qurýǵa onyń óz bilimin, ýaqyty men kúshin jumsaýyna qolaily jaǵdai jasaý qajet», - dep atap ótti Prezident Q.Toqaev Qazaqstan Respýblikasy Táýelsizdiginiń 30 jyldyǵyn merekeleýge daiyndyq jónindegi memlekettik komissiianyń birinshi otyrysynda.
Bul rette, Qazaqstanda jas ǵalymdardy qoldaýǵa baǵyttalǵan birqatar jobalar iske qosyldy.
Nursultan Nazarbaev qory elimizdiń ǵylymi uiymdary men joǵary oqý oryndary janyndaǵy úzdik Jas ǵalymdar keńesi baiqaýyn jariialady. Jeńimpazdy anyqtaý kezinde baiqaý komissiiasynyń músheleri jas ǵalymdar keńesiniń belsendiligi men jumysynyń nátijeliligine qarai baǵalaityn bolady. Sondai-aq, Qor Qazaqstan Respýblikasynyń joǵary oqý oryndary men ǵylymi uiymdarynda ǵylymnyń, tehnologiialar men tehnikanyń basym baǵyttary boiynsha qoldanbaly ǵylymi-zertteý jobalary men jas ǵalymdardyń jumystaryn qarjylandyrýdy usyný boiynsha granttar alýǵa konkýrs jariialady.
Bilim jáne ǵylym ministrligi qazaqstandyq ǵalymdardyń ǵylym men jańa tehnologiialardyń ártúrli salalaryndaǵy jetistikterin tanymal etý boiynsha «GYLYM TALKS» internet-jobasyn iske qosty. Sonymen qatar, osy ai ishinde «Aqyldy urpaq» jas ǵalymdardyń onlain-forýmyn ótkizý josparlanýda.
Aita keteiik, búginde Qazaqstannyń ǵylym salasynda 22 myńǵa jýyq maman jumys isteidi. Qazaqstannyń ǵylymi qyzmetkerleriniń 34% - dan astamyn 35 jasqa deiingi qyzmetkerler quraidy.
