2021 jyldyń 9 aiynda Qazaqstan taýarynyń eksporty 20,6 paiyzǵa artty. Bul týraly QR Saýda jáne integratsiia ministri Baqyt Sultanov aitty, dep habarlaidy QazAqparat.
«Álemdik ekonomikadaǵy teris tendentsiianyń jalǵasýyna qaramastan 2021 jyldyń 9 aiy Qazaqstan Respýblikasynyń syrtqy saýdasyna aitarlyqtai oń dinamika alyp keldi. Atap aitqanda, ótken jyldyń 9 aiymen salystyrǵanda taýar ainalymy 12,7 paiyzǵa artyp, 72,8 mlrd dollarǵa jetti. Bul rette eksport 20,6 paiyzǵa ulǵaidy», - dedi ministr Senatta ótken Úkimet saǵatynda.
Sonymen qatar ol Eýraziialyq ekonomikalyq odaq aiasynda da 9 aidyń qorytyndysynda taýar ainalymy 18,5 mlrd dollarǵa jetkenin, bul 2020 jylǵy dál osyndai kezeńmen salystyrǵanda 28,4 paiyzǵa joǵary ekendigin atap ótti.
«Eksportta 39,2 paiyzǵa artyp, 5,6 mlrd dollar boldy. Biz kópjaqty integratsiialyq jáne halyqaralyq alańdarda ekonomikalyq múddemizdi ilgeriletý baǵytynda belsendi jumys istep jatyrmyz», - dedi Baqyt Sultanov.
