«Ejelgi dáýirden búgingi kúnge deiingi Qazaqstan tarihy» atty jeti tomdyq akademiialyq basylymy daiyndalyp jatyr. Bul jaiynda Senat depýtattarynyń saýalyna berilgen QR Premer-Ministriniń orynbasary Eraly Toǵjanovtyń jaýabynda aitylǵan, dep habarlaidy QazAqparat.
«Qazirgi tańda Bilim jáne ǵylym ministrligi «Ejelgi dáýirden búgingi kúnge deiingi Qazaqstan tarihy» atty jeti tomdyq akademiialyq basylymyn ázirleýde. Bul jumysqa elimizdiń jetekshi ǵylymi institýttary tartyldy», - dep atap ótedi Úkimet basshysynyń orynbasary.
Onyń dereginshe, basylymdy ázirleýge jumyldyrylǵan ǵylymi mekemelerdiń qatarynda Á.Marǵulan atyndaǵy Arheologiia institýty, Halyqaralyq Túrki akademiiasy, Joshy ulysyn zerdeleý ǵylymi institýty, R.Súleimenov atyndaǵy Shyǵystaný institýty, Sh.Ýálihanov atyndaǵy Tarih jáne etnologiia institýty, Memleket tarihy institýty bar.
«Kóptomdyq eńbekti 2023 jyly basyp shyǵarý josparlanýda», - dedi Eraly Toǵjanov.
