Qazaqstan Respýblikasy Makedoniia Respýblikasyna alapat sý tasqynyna bailanysty izgilik kómek retinde 50 myń eýro beredi, dep habarlaidy "Ult aqparat" «Ádilet» QR Normativtik quqyqtyq aktileriniń aqparattyq-quqyqtyq júiesine silteme jasap.
Aǵymdaǵy jyldyń 30 qazanynda Qazaqstan Premer-Ministri Baqytjan Saǵyntaev QR Úkimetiniń №680 «Makedoniia Respýblikasyna resmi izgilik kómek kórsetý týraly» Qaýlysyna qol qoidy.
Qujatqa sáikes, Qarjy ministrligine QR Úkimetiniń tótenshe rezervinen Makedoniia Respýblikasyna resmi izgilik kómek kórsetý úshin Syrtqy ister ministrligine Ulttyq bankiniń aiyrbastaý kúngi resmi baǵamy boiynsha 50000 eýroǵa balamaly somada qarajat bólýdi tapsyrdy. Tótenshe rezervtiń qarjysy Qazaqstannyń jáne basqa memleketterdiń aýmaǵyndaǵy tabiǵi jáne tehnogendik sipattaǵy tótenshe jaǵdailardy joiý úshin 2017 jylǵa arnalǵan respýblikalyq biýdjette kózdelgen.
Qaýly qol qoiylǵan kúnnen bastap kúshine endi.
