Qazaqstan Shvetsiianyń Statidiń bastapqy isine qatysty sheshimine daýlasa ma? Bul saýalǵa búgin QR Ádilet ministri Marat Beketaev jaýap berdi, dep habarlaidy "Ult aqparat".
«Mine, Statidiń bir de bir protseste jeńe almaǵanyna bir jyldan astam ýaqyt ótti. Barlyq iýrisdiktsiialardaǵy sheshimder túgel Qazaqstannyń paidasyna qabyldanyp jatyr. 500 mln dollar somasyna bastapqy sheshimge qatysty aitar bolsam, bul sheshimde qaita ashylǵan mán-jaiǵa bailanysty daýlasýǵa bolady. Mundai mán-jai iýrisdiktsiialardyń birindegi sot sheshimi bola alady. Áńgime AQSh nemese Eýropa elderi jaiynda bolyp otyr. Sot bizdiń alaiaqtyqqa aiyptaýymyz boiynsha sheshim qabyldasa, eger sot alaiaqtyqty tanityn bolsa, onda bul qaita ashylǵan mán-jai sanalady. Sonymen Shvetsiiaǵa barýǵa bolady», - dedi Marat Beketaev Ortalyq kommýnikatsiialar qyzmetinde BAQ ókilderiniń saýalyna orai.
Aita keteiik, 11 naýryzda Angliianyń Joǵarǵy soty Stati tarapynyń Qazaqstan Respýblikasy men Qazaqstan Ulttyq bankine 3,7 mln AQSh dollarynan astam sot shyǵynyn tóleýge mindetteitin sot buiryǵynyń kúshin joiýǵa qatysty ótinishin qabyldamaý týraly sheshim shyǵarǵan edi.
