«Qazaqstan sportyn transformatsiialaý» jobalyq keńsesiniń jetekshisi Qambar Omarov atalǵan jobalyq keńseniń jumys organyna qandai tanymal sportshylar engenin aityp berdi, dep habarlaidy QazAqparat.
Aita keteiik, jaqynda elimizde «Qazaqstan sportyn transformatsiialaý» jobalyq keńsesi quryldy.
«Jumys organynyń quramyna saladaǵy bilikti 55 adam endi. Kún saiyn basqa da mamandar telefon shalyp, ózderiniń bastamalary men usynystaryn aityp jatyr. Meniń oiymsha, bul endi bastapqy tizim. 55 adamnyń arasynda tanymal sportshylar men bapkerler bar», - dedi Qambar Omarov Ortalyq kommýnikatsiialar qyzmetinde.
Osy oraida ol jumys organy sapynda álem chempiondary men Olimpiada chempiondary bar ekenin jetkizdi.
«Tursynǵali Edilov, Baqtiiar Artaev, Vasilii Jirov, Iýrii Melnichenko, Eldos Smetov, Aleksandr Vinokýrov, Aidar Mahmetov syndy azamattar bar. Bizdiń komandaǵa taǵy da birneshe tanymal sportshylar kirýge niet bildirip otyr», - dedi Omarov.
