Birikken Ulttar Uiymynyń Aziia jáne Tynyq muhity óńirine arnalǵan ekonomikalyq jáne áleýmettik komissiiasy aimaqtaǵy 2024 jylǵa arnalǵan investitsiia týraly esebin jariialady. Esepke sáikes, Qazaqstan jańa jobalarǵa 15,7 mlrd dollar tartyp, Soltústik jáne Ortalyq Aziia aimaǵyndaǵy investitsiia tartý boiynsha kóshbasshy atandy.
2024 jyldyń qorytyndysy boiynsha Qazaqstanǵa investitsiianyń ósimi 2023 jylmen salystyrǵanda 88 paiyzdy qurady.
Oblysqa tartylǵan barlyq investitsiianyń 63 paiyzy bizdiń elge tiesili.
Odan keiingi oryndarda kelesi memleketter ornalasty:
Ózbekstan – $4 mlrd (-49%)
Qyrǵyzstan – $2,1 mlrd (+310%)
Ázirbaijan – $1,2 mlrd (+1%)
Túrkimenstan – $339 mln
Grýziia – $126 mln
Armeniia – $67 mln
Baiandamada aimaqtyń investitsiialyq ahýaly halyqaralyq kompaniialardyń óz strategiialaryn ártaraptandyrýǵa jáne jasyl energiia, tsifrlandyrý jáne tehnologiialyq innovatsiialar siiaqty negizgi salalardaǵy jobalardy qoldaýǵa degen yntalylyǵyn kórsetetini atap ótilgen.
"Bul turǵyda investitsiialyq agenttikter men múddeli ministrlikterdiń belsendi jumysy erekshe mańyzdy. Jańa baǵyttardyń tabysty bolýy tek qolaily saiasatty qurýǵa ǵana emes, sonymen qatar investorlardy barlyq kezeńderdegi qoldaýǵa, sonyń ishinde investitsiiadan keiingi qoldaýǵa da bailanysty", - dep baiandamada eskertildi.
Jahandyq syn-qaterlerge qaramastan, Qazaqstan turaqty ósý men jańa múmkindikter alańyna ainalyp, iri sheteldik investorlardyń nazaryn aýdarýdy jalǵastyrýda. Biyl elde iri investitsiialyq is-sharalar – Sheteldik investorlar keńesi jáne Jahandyq investitsiialar jónindegi qazaqstandyq dóńgelek ústel - 2024 ótti, bul Qazaqstannyń óńirdegi negizgi investitsiialyq hab retindegi ustanymyn nyǵaitty.
