Qostanailyq AFC Allur fýtbol klýby SOCCA Champions League 2025 saiysynda qola medal ielenip, Qazaqstannyń dańqyn asyrdy. Týrnir 17 jáne 20 qazan aralyǵynda Grekiianyń Retimno qalasynda ótti. Oǵan 4 qurlyq jáne 35 el, 80 qaladan jinalǵan 106 komanda qatysty.
Qazaqstandyqtar toptyq kezeńde kelesidei nátije kórsetti:
– Polshalyq FC Lowcy-men teń oiyn (3:3);
– ACS Dream Team Gorj (Rýmyniia) komandasyn 4:0 jáne San Antonio (Grekiia) komandasyn 2:1 esebimen jeńdi.
Plei-off kezeńinde komanda joǵary oiyn deńgeiin kórsetti:
– 1/16 finalda eki dúrkin chempion atanǵan Victory (Horvatiia) komandasyn 3:0 esebimen;
– 1/8 finalda Archivarul (Rýmyniia) komandasyn 4:2 esebimen;
– Shirek finalda býllitterdiń otty seriiasynda Vengriianyń úzdik klýby The Private Rooftop-ty 0:0 (býllitter boiynsha 2:1) esebimen shań qaptyrdy.
Dál osy machty kommentatorlar "SOCCA tarihyndaǵy eń keremet býllitter seriiasy" dep ataǵan. Kezdesýde qaqpashy Erkinbek Aqbulan qarsylas komanda oiynshylarymen 6 ret betpe-bet kelip, 5 soqqyny qaitardy. Osylaisha qazaqstandyq qaqpashy oiynnyń juldyzy atandy.
Jartylai finalda AFC Allur germaniialyq Eintracht Spandau klýbymen kezdesip, oiyn boiy aiqyn basymdyq tanytty. Alaida qarsylastyń jalǵyz kontrshabýyly men alańdaǵy altynshy oiynshynyń qaýipti shabýylynan keiin 0:2 esebimen ese jiberdi.
Rýmyniialyq Tazmannschaft klýbyna qarsy úshinshi oryn úshin talas naǵyz trillerge ainaldy.
Dias Eginjanov, Oljas Taibasarov pen Aleksandr Sergeichýktyń goldary esepti teńestirdi (3:3). Al sheshýshi býllitter seriiasynda Aqbulan taǵy da kózge túsip, qarsylastyń 4 soqqysyn da qaitardy. Al sheshýshi soqqyny Ǵalym Raihanov jasap, Qazaqstan qolaǵa qol jetkizdi.
Týrnir qorytyndysy boiynsha Erkinbek Aqbulan álemniń úzdik qaqpashysy atandy.
AFC Allur SOCCA Champions League týrnirinde byltyr da qola ielengen edi. Al 2023 jáne 2024 jyldary Ispaniiada ótken fýtzaldan álem birinshiliginde jeńimpaz jáne kúmis júldeger atanǵan.
2026 jyly AFC Allur klýby 10 jyldyǵyn atap ótedi. Keler jyly klýb bazasynda SOCCA-dan Eýropa Chempionatyna qatysý úshin Qazaqstan quramasyn jasaqtaý josparlanyp otyr.
Sonymen qatar Qazaqstandaǵy SOCCA 6h6 resmi chempionaty – Astana Futbol Ligasy-da da oiyndar ótkizedi.
AFC Allur – josparly jumys pen biznestiń qoldaýy qazaqstandyq jigitterdiń armanyn shyndyqqa ainaldyra alatynyn, al elimizdiń týy biikte jelbireitininiń aiqyn kórinisi.
AFC Allur quramyndaǵy oiynshylar:
– Aleksei Zabogonskii
– Nurálem Baidýlla
– Aqbulan Erkinbek
– Islambek Qulekenov
– Aleksandr Kislitsyn
– Ǵalym Raihanov
– Islam Nartbaev
– Nursultan Shabdanov
– Aleksandr Sergeichýk
– Dias Eginjanov
– Anarbek Melisbek
– Oljas Taibasarov
– Nurgeldi Shaken
– Maqsat Ótegenov
Bas jattyqtyrýshy: Daniiar Kenjeǵulov
Komanda jetekshisi: Stanislav O-Iýn-Bem.
