Qazaqstan Úkimeti Siriia, Tájikstan jáne Qyrǵyzstanǵa 662 mln teńge gýmanitarlyq kómek bóldi, dep habarlaidy "Ult aqparat".
Qazaqstan Respýblikasy Úkimetiniń sáikesinshe qaýlysyna 2017 jyldyń 20 jeltoqsanynda qol qoiylǵan jáne ol «Ádilet» aqparattyq-quqyqtyq júiesiniń saitynda jariialandy. Qujatqa sáikes QR Úkimetiniń "Qazaqstan Respýblikasy Úkimetiniń tótenshe rezervinen qarajat bólý týraly" 2017 jylǵy 25 mamyrdaǵy № 288 jáne "Tájikstan Respýblikasyna resmi izgilik kómek kórsetý týraly" 2017 jylǵy 8 qarashadaǵy №721 qaýlylaryna ózgerister engizilgen.
«Qazaqstan Respýblikasynyń Qorǵanys jáne aeroǵarysh ónerkásibi ministrligine 2016 jyly memlekettik materialdyq rezervten bronnan shyǵarylǵan materialdyq qundylyqtardyń qunyn óteý úshin 2017 jylǵa arnalǵan respýblikalyq biýdjette kózdelgen Qazaqstan Respýblikasynyń jáne basqa memleketterdiń aýmaǵyndaǵy tabiǵi jáne tehnogendik sipattaǵy tótenshe jaǵdailardy joiýǵa arnalǵan Qazaqstan Respýblikasy Úkimetiniń tótenshe rezervinen 662689013,92 (alty júz alpys eki million alty júz seksen toǵyz myń on úsh teńge toqsan eki tiyn) teńge mólsherinde aqsha qarajaty bólinsin», - delingen qujatta.
Onyń ishinde Tájikstan Respýblikasyna resmi izgilik kómek kórsetý úshin 276790000 (eki júz jetpis alty million jeti júz toqsan myń) teńge somasynda, Qyrǵyz Respýblikasyna resmi izgilik kómek kórsetý úshin 200281141,92 (eki júz million eki júz seksen bir myń bir júz qyryq bir teńge toqsan eki tiyn) teńge somasynda, Siriia Arab Respýblikasyna resmi izgilik kómek kórsetý úshin 185617872 (bir júz seksen bes million alty júz on jeti myń segiz júz jetpis eki) teńge somasynda aqsha qarajaty bólinip otyr.
Sonymen qatar Qazaqstan Respýblikasynyń Qorǵanys jáne aeroǵarysh ónerkásibi ministrligine Tájikstan Respýblikasyna izgilik kómek kórsetý úshin 986,534 (toǵyz júz seksen alty tonna bes júz otyz tórt kilogramm) tonna kóleminde mazýt satyp alýǵa 2017 jylǵa arnalǵan respýblikalyq biýdjette kózdelgen Qazaqstan Respýblikasy Úkimetiniń tótenshe rezervinen 101015634,8 (bir júz bir million on bes myń alty júz otyz tórt teńge seksen tiyn) teńge mólsherinde aqshalai qarajat bólinedi.
Qaýly qol qoiylǵan kúninen bastap qoldanysqa engiziledi.
