Qazaqstan Syrtqy ister ministrligi Siriiadaǵy shielenistiń órshi túsýine bailanysty óziniń alańdaýshylyǵyn bildirdi, dep habarlaidy Ult.kz tilshisi QazAqparat agenttigine silteme jasap.
«Qazaqstan jappai qyryp-joiý qarýynyń kez kelgen qoldanýyn amoraldy, adamgershilikke jat jáne adamshylyq qaǵidattaryna qaishy áreket retinde úzildi-kesildi aiyptaidy. Bul fakti boiynsha kinálilerdi jaýapqa tartý úshin BUU aiasynda halyqaralyq jan-jaqty obektivti jáne ádil tergeý júrgizýdi qaǵidatty túrde mańyzdy dep sanaimyz», - delingen QR SIM aqparatynda.
Qaqtyǵystyń odan ári órshýi jáne taraptar ustanymdarynyń qatańdanýy halyqaralyq qoǵamdastyqtyń terroristik qaýipke qarsy kúres boiynsha buryn qol jetkizgen barlyq, onyń ishinde Jeneva jáne Astana protsesteri sheńberindegi ýaǵdalastyqtarǵa qaýip tóndiredi jáne Siriia jerinde barlyǵyn qamtityn beibitshilik pen kelisimge jetý perspektivasyn alystatady.
«Siriia Arab Respýblikasynyń Úkimeti men qarýly oppozitsiialyq toptar arasynda 2016 jylǵy 30 jeltoqsanda kúshine engen soǵys áreketterin doǵarý rejimin saqtaýdyń jáne nyǵaitýdyń mańyzdylyǵyn atap ótemiz. Astana protsesiniń kepildik berýshi elderin shielenistiń odan ári órshýiniń aldyn alý úshin ózderiniń bar kúsh-jigerlerin jumsaýǵa shaqyramyz», - dep málimdedi Qazaqstannyń syrtqy saiasi vedomstvosy.
Qazaqstan siriiaaralyq qaqtyǵysty tek beibit jolmen, dialog jáne tatýlasý arqyly sheshý múmkin degen ustanymyna berik jáne barlyq múddeli taraptardyń qatysýymen Astana protsesi aiasynda Siriia úkimeti men oppozitsiialyq toptar arasynda tatýlasýdy saqtaý boiynsha tikelei kelissózderdi jalǵastyrýǵa shaqyrdy.
Buǵan deiin Senat spikeri Qasym-Jomart Toqaev áleýmettik jelide Siriianyń áskeri bazasyna jasaǵan AQSh-tyń aviasoqqysynan keiingi halyqaralyq jaǵdaiǵa pikir bildirdi.
«AQSh-tyń Siriiaǵa qarsy aviasoqqysy atalmysh eldegi soǵysty toqtatý týraly kelissózder ótkizýdiń bolashaǵyn bulyńǵyr etedi. Halyqaralyq shielenistiń jańa tolqyny», - dep atap ótti Toqaev.
Eske sala keteiik, AQSh-tyń qarýly kúshteri Siriianyń Homs provintsiiasynyń aýmaǵynda ornalasqan úkimettik áskerdiń áskeri bazasyna 59 zymyran jiberdi. Zymyrandy shabýyl Siriianyń Idlib provintsiiasyna jasalmaqshy bolǵan himiialyq shabýyldyń jaýaby bolyp tabylady.
