Foto: t.me/pressmfakz
Syrtqy ister ministrliginiń resmi ókili Aibek Smadiiarov Izraildegi Ál-Aqsa meshiti mańyndaǵy qaqtyǵystarǵa qatysty Qazaqstannyń ustanymyn aitty, - dep habarlaidy "Ult aqparat" SIM baspasóz qyzmetine silteme jasap.
"Qazaqstan qasietti "Ál-Aqsa" meshitinde musylmandarǵa shabýyl jasalýyna bailanysty Taiaý Shyǵystaǵy shielenistiń órshýine óziniń alańdaýshylyǵyn bildiredi.
Qalyptasqan jaǵdaida taraptar ustamdylyq tanytyp, zorlyq-zombylyqqa jáne ahýaldyń odan ári ýshyǵýyna ákeletin qadamdardan, sondai-aq arandatý is-áreketterinen bas tartady dep úmittenemiz", - dedi resmi ókil.
Ol osy rette statýs-kvo saqtaýdy mańyzdy dep sanaitynyn jetkizdi.
"Qasietti Ramazan aiy men Pesah meiramy kezeńinde saiasi, dini jáne qoǵamdyq kóshbasshylar bul shielenisti azaitýǵa bar kúshin salady dep úmit bildiremiz.
Qazaqstan árdaiym toleranttyq jáne dinder arasyndaǵy dialogty nyǵaitýǵa shaqyra otyryp, Birikken Ulttar Uiymy Qaýipsizdik Keńesiniń qararlaryna sáikes Taiaý Shyǵys máselesin beibit jolmen sheshýge baǵyttalǵan halyqaralyq qoǵamdastyqtyń kúsh-jigerin qoldaidy", - dedi Smadiiarov.
video: Tengrinews.kz
