Foto: Liter.kz
Qazaqstan Respýblikasynyń Syrtqy ister ministrligi Novorossiisk teńiz porty akvatoriiasynda Kaspii qubyr konsortsiýmynyń (KQK) strategiialyq mańyzdy infraqurylymyna jasalǵan kezekti shabýylǵa bailanysty resmi túrde narazylyq bildirdi, dep habarlaidy Ult.kz.
Vedomstvonyń málimdeýinshe, bul – halyqaralyq quqyq normalarymen qorǵalatyn azamattyq nysanǵa qarsy jasalǵan úshinshi agressiialyq áreket.
Qazaqstan jahandyq energetikalyq naryqtyń jaýapty qatysýshysy retinde energiia resýrstaryn turaqty jáne úzdiksiz jetkizýge úlken mán beretinin atap ótti. Sonymen qatar KQK-nyń álemdik energetikalyq júieniń turaqtylyǵyn qamtamasyz etýdegi róli erekshe ekeni aityldy.
Ministrlik bul oqiǵany Qazaqstan men Ýkraina arasyndaǵy ekijaqty qarym-qatynastarǵa nuqsan keltiretin áreket dep baǵalap, ýkrain tarapynan mundai oqiǵalardyń qaitalanýyna jol bermeý úshin naqty sharalar qabyldanatynyna úmit bildirdi.
