TMD Syrtqy ister ministrleriniń keńesine qatysý sheńberinde Qazaqstan Premer-Ministriniń orynbasary – Syrtqy ister ministri Muhtar Tileýberdi Máskeýdegi rezidentsiiasymen Qazaqstan Respýblikasynda akkredittelgen 52 shet memleketterdiń diplomatiialyq ókildikteriniń basshylarymen kezdesý ótkizdi. Bul týraly QR SIM baspasóz qyzmeti habarlady.
«Qazirgi kúrdeli jaǵdaida biz elimizdi jańǵyrtý strategiiasyn dáiektilikpen júrgizip jatyrmyz. Búginde saiasi reformalardyń úshinshi kezeńi iske asyrylýda, onyń sheńberinde qoǵamdy demokratiialandyrýǵa baǵyttalǵan birqatar zańdar qabyldanatyn bolady. Qazaqstan óz egemendiginiń tórtinshi onjyldyǵyna kiredi», - dedi M.Tileýberdi. Ministr óz sózinde Qazaqstannyń sheteldik seriktestermen yntymaqtastyqty damytýǵa zor mán beretinin jáne ózara is-qimyldy odan ári keńeitýge daiyn ekenin atap ótti. Sonymen qatar, ol Qazaqstannyń basty basymdyqtarynyń biri kólik áleýetin ilgeriletý jáne elimizdiń álem óńirlerimen bailanysyn qamtamasyz etý bolyp tabylatynyn atap ótti.
Kezdesýge kelesi elderdiń diplomatiialyq ókildikteriniń basshylary qatysty: Avstraliia, Aljir, Angola, Argentina, Bangladesh, Benin, Bosniia jáne Gertsegovina, Býrkina Faso, Gana, Gvatemala, Grenada, Daniia, Djibýti, Jańa Zelandiia, Zambiia, Zimbabve, Irlandiia, Islandiia, Keniia, Kipr, Kolýmbiia, Kongo, Korei Halyq Demokratiialyq Respýblikasy, Kot-d'Ivýar, Laos, Liýksembýrg, Madagaskar, Mali, Moldova, Namibiia, Nepal, Nikaragýa, Panama, Paragvai, Perý, Senegal, Siriia, Sloveniia, Sýdan, Serra-Leone, Tanzaniia, Týnis, Ýganda, Ýrýgvai, Filippin, Chad, Chernogoriia, Chili, Shri-Lanka, Ekvador, El-Salvador jáne Eritreia.
