2019-2020 jyly ótetin shańǵy jarystary boiynsha Qazaqstannyń jańa ulttyq quramasy bekitildi. Komandaǵa 15 sportshy enip otyr, dep habarlaidy Ulttyq shańǵy jarysy federatsiiasynyń baspasóz qyzmetine silteme jasap.
«Jańa maýsymda komandadan eńbek sińirgen sport sheberi, álem chempionatynyń qola júldegeri Nikolai Chebotko, sport sheberi Angelina Shýryga, sport sheberi Marina Matrosova, halyqaralyq sanattaǵy sport sheberi Elena Kolomina, sport sheberi Irina Bykova men taǵy bir sport sheberi Anjelika Tarasova ketti. Aleksei Poltoranin Halyqaralyq shańǵy federatsiiasynyń sheshimimen jarystardan ýaqytsha shettetildi. Álem chempionatyndaǵy jarqyn ónerinen keiin dekrettik demalysqa shyqqan Olga Mandrika kerisinshe Ulttyq quramaǵa qaita keldi. Al qalǵan qyzdar ókinishke qarai ótken maýsymda qoiylǵan tapsyrmalardy oryndai alǵan joq. Sol sebepti, shyǵyndardy qysqartý úshin komanda quramyndaǵy sportshylardyń sanyn 15-ke deiin azaitý týraly sheshim qabyldandy», - deidi QR Shańǵy jarysy ulttyq federatsiiasynyń bas hatshysy Andrei Nevzorov.
Osylaisha, shańǵy jarysynan Qazaqstan ulttyq quramasyna kelesi shańǵyshylar endi:
1. Oljas Klimin (Aqmola oblysy)
2. Vitalii Pýhkalo (Qostanai oblysy)
3. Denis Volotka (Aqmola oblysy)
4. Evgenii Velichko (Aqmola oblysy)
5. Konstantin Bortsov (Aqmola oblysy)
6. Nail Bashmakov (Almaty qalasy)
7. Áset Dúisenov (Almaty oblysy)
8. Ivan Liýft (ShQO)
9. Dáýlet Rahymbaev (Almaty qalasy)
10. Valeriia Tiýleneva (Aqmola oblysy)
11. Anna Shevchenko (Pavlodar oblysy)
12. Daria Riajko (Pavlodar oblysy)
13. Elmira Mýtagarova (Aqmola oblysy)
14. Olga Mandrika (Aqmola oblysy)
15. Kseniia Shalygina (Almaty qalasy).
Ulttyq quramanyń jattyqtyrýshylar shtabynda kelesi bapkerler bolady:
Bas bapker - Aleksandr Batiaikin (QR Eńbek sińirgen jattyqtyrýshysy)
Keńesshi-bapker - Iýrii Kaminskii (RF Eńbek sińirgen jattyqtyrýshysy)
Aǵa jattyqtyrýshy - Sergei Tishkov (QR Eńbek sińirgen jattyqtyrýshysy)
Erler tobynyń bapkeri - Viktor Vasilev (QR Eńbek sińirgen jattyqtyrýshysy)
Qyzdar tobynyń bapkeri - Aleksandr Kýrsakov (QR Eńbek sińirgen jattyqtyrýshysy)
Komanda bastyǵy - Aleksandr Tkachýk (QR Eńbek sińirgen jattyqtyrýshysy).
Alǵashqy oqý-jattyǵý jiynyn komanda Almatydaǵy meditsinalyq tekseristen keiin 14-31 mamyr aralyǵynda Talǵardaǵy «Alataý» shańǵy-biatlon kesheninde ótkizedi.
