2019-2020 جىلى ٶتەتٸن شاڭعى جارىستارى بويىنشا قازاقستاننىڭ جاڭا ۇلتتىق قۇراماسى بەكٸتٸلدٸ. كومانداعا 15 سپورتشى ەنٸپ وتىر, دەپ حابارلايدى ۇلتتىق شاڭعى جارىسى فەدەراتسيياسىنىڭ باسپاسٶز قىزمەتٸنە سٸلتەمە جاساپ.
«جاڭا ماۋسىمدا كوماندادان ەڭبەك سٸڭٸرگەن سپورت شەبەرٸ, ەلەم چەمپيوناتىنىڭ قولا جٷلدەگەرٸ نيكولاي چەبوتكو, سپورت شەبەرٸ انگەلينا شۋرىگا, سپورت شەبەرٸ مارينا ماتروسوۆا, حالىقارالىق ساناتتاعى سپورت شەبەرٸ ەلەنا كولومينا, سپورت شەبەرٸ يرينا بىكوۆا مەن تاعى بٸر سپورت شەبەرٸ انجەليكا تاراسوۆا كەتتٸ. الەكسەي پولتورانين حالىقارالىق شاڭعى فەدەراتسيياسىنىڭ شەشٸمٸمەن جارىستاردان ۋاقىتشا شەتتەتٸلدٸ. ەلەم چەمپيوناتىنداعى جارقىن ٶنەرٸنەن كەيٸن دەكرەتتٸك دەمالىسقا شىققان ولگا ماندريكا كەرٸسٸنشە ۇلتتىق قۇراماعا قايتا كەلدٸ. ال قالعان قىزدار ٶكٸنٸشكە قاراي ٶتكەن ماۋسىمدا قويىلعان تاپسىرمالاردى ورىنداي العان جوق. سول سەبەپتٸ, شىعىنداردى قىسقارتۋ ٷشٸن كوماندا قۇرامىنداعى سپورتشىلاردىڭ سانىن 15-كە دەيٸن ازايتۋ تۋرالى شەشٸم قابىلداندى», - دەيدٸ قر شاڭعى جارىسى ۇلتتىق فەدەراتسيياسىنىڭ باس حاتشىسى اندرەي نەۆزوروۆ.
وسىلايشا, شاڭعى جارىسىنان قازاقستان ۇلتتىق قۇراماسىنا كەلەسٸ شاڭعىشىلار ەندٸ:
1. ولجاس كليمين (اقمولا وبلىسى)
2. ۆيتاليي پۋحكالو (قوستاناي وبلىسى)
3. دەنيس ۆولوتكا (اقمولا وبلىسى)
4. ەۆگەنيي ۆەليچكو (اقمولا وبلىسى)
5. كونستانتين بورتسوۆ (اقمولا وبلىسى)
6. نايل باشماكوۆ (الماتى قالاسى)
7. ەسەت دٷيسەنوۆ (الماتى وبلىسى)
8. يۆان ليۋفت (شقو)
9. دەۋلەت راحىمباەۆ (الماتى قالاسى)
10. ۆالەرييا تيۋلەنەۆا (اقمولا وبلىسى)
11. اننا شەۆچەنكو (پاۆلودار وبلىسى)
12. داريا رياجكو (پاۆلودار وبلىسى)
13. ەلميرا مۋتاگاروۆا (اقمولا وبلىسى)
14. ولگا ماندريكا (اقمولا وبلىسى)
15. كسەنييا شالىگينا (الماتى قالاسى).
ۇلتتىق قۇرامانىڭ جاتتىقتىرۋشىلار شتابىندا كەلەسٸ باپكەرلەر بولادى:
باس باپكەر - الەكساندر باتيايكين (قر ەڭبەك سٸڭٸرگەن جاتتىقتىرۋشىسى)
كەڭەسشٸ-باپكەر - يۋريي كامينسكيي (رف ەڭبەك سٸڭٸرگەن جاتتىقتىرۋشىسى)
اعا جاتتىقتىرۋشى - سەرگەي تيشكوۆ (قر ەڭبەك سٸڭٸرگەن جاتتىقتىرۋشىسى)
ەرلەر توبىنىڭ باپكەرٸ - ۆيكتور ۆاسيلەۆ (قر ەڭبەك سٸڭٸرگەن جاتتىقتىرۋشىسى)
قىزدار توبىنىڭ باپكەرٸ - الەكساندر كۋرساكوۆ (قر ەڭبەك سٸڭٸرگەن جاتتىقتىرۋشىسى)
كوماندا باستىعى - الەكساندر تكاچۋك (قر ەڭبەك سٸڭٸرگەن جاتتىقتىرۋشىسى).
العاشقى وقۋ-جاتتىعۋ جيىنىن كوماندا الماتىداعى مەديتسينالىق تەكسەرٸستەن كەيٸن 14-31 مامىر ارالىعىندا تالعارداعى «الاتاۋ» شاڭعى-بياتلون كەشەنٸندە ٶتكٸزەدٸ.
