Qazaqstan Saýd Arabiiasyna QazVac vaktsinasyn jetkizý múmkindigin qarastyrýdy usyndy. Bul týraly QR Saýda jáne integratsiia ministri Baqyt Sultanov aitty, dep habarlaidy QazAqparat.
Buǵan deiin ministr Qazaqstan men Saýd Arabiiasynyń tikelei áýe reisteri qaita jandanatynyn habarlaǵan edi.
«Qozǵalys shekteýlerin azaitý úshin biz vaktsinalaý pasporttaryn ekijaqty tanýdy qoldaimyz. Eger Saýd Arabiiasy tarapy qyzyǵýshylyq tanytsa, Qazaqstan QazVac vaktsinasyn Saýd Arabiiasyna jetkizý, sondai-aq Saýd Arabiiasy Koroldigi aýmaǵynda qazaqstandyq vaktsinany birlesip óndirý múmkindigin qarastyrýdy usynady», - dedi Baqyt Sultanov elordada Qazaqstan men Saýd Arabiiasynyń birlesken investitsiialyq biznes forýmynda.
Aita keteiik, Qazaqstan-Saýd Arabiiasy investitsiialyq biznes-forýmyna eki eldiń isker toptary men biznesiniń 170-ten astam ókili qatysýda. Shara barysynda saýdiialyq kompaniialar jeke sektordy damytý, serpindi qoǵam qurý jáne Koroldiktiń halyqaralyq saýdadaǵy básekege qabilettigin arttyrýdy kózdeitin «Saudi Vision 2030» ulttyq baǵdarlamasyn iske asyrý tájiribesimen bólisedi.
