Búgin Memleket Basshysy Qasym-Jomart Toqaevtyń tóraǵalyǵymen Qazaqstanda koronavirýs infektsiiasynyń taralýyna jol bermeý máseleleri jóninde keńes ótti. Densaýlyq saqtaý ministri Aleksei Tsoi eldegi sanitarlyq-epidemiologiialyq jaǵdai men qabyldanyp jatqan sharalar týraly baiandady, dep habarlaidy "Ult aqparat" ministrliktiń baspasóz qyzmetine silteme jasap.
«16 qarashadaǵy epidemiologiialyq jaǵdaidy baǵalaý matritsasyna sáikes respýblika sary aimaqta tur», - dedi A. Tsoi.
Shyǵys Qazaqstan jáne Soltústik Qazaqstan oblysy infektsiia taralý qaýpi joǵary qyzyl aimaqta tur. Ortasha qaýipti sary aimaqta - Pavlodar, Aqmola, Qostanai oblystary, Nur-Sultan jáne Almaty qalalary. Qalǵan óńir salystyrmaly túrde infektsiianyń taralý qaýpi tómen jasyl aimaqta.
Ministrdiń aitýynsha, KVI-ge shaldyqqandar sany artqan jaǵdaida, halyqqa sapaly jáne ýaqtyly kómek kórsetý úshin meditsinalyq uiymdar 71 myń tósek-oryn daiyndap otyr. Qazir infektsiialyq tósek-orynnyń 21% jáne reanimatsiianyń 17%-da patsient bar. Azamattarǵa úide meditsinalyq kómek kórsetý úshin kóshpeli mobildi brigadalar daiyndaldy. Mobildi brigadalar biyl shildeden beri 280 myńnan astam qyzmet kórsetken.
«Shilde aiymen salystyrǵanda qazir jedel meditsinalyq kómek shaqyrýshylar sany 43,8%, al KVI boiynsha - 79% tómendedi», - dedi A. Tsoi.
Onyń aitýynsha, KVI-men aýyratyn naýqastarǵa konsýltatsiialyq kómek kórsetý úshin óńirlik jáne respýblikalyq saraptamalyq toptar quryldy, óńirlik Call-ortalyqtardyń jáne 1406 biryńǵai bailanys ortalyǵynyń jumysy kúsheitildi.
