Kórneki sýret: kaz.orda.kz
Qazaqstan Reseige jalǵa bergen 60 myń gektar jerdi qaitaryp almaqshy. Bul týraly Orda.kz portaly LS saityna silteme jasap habarlady.
Qyzylorda oblysynda mal jaiýǵa 1,4 mln ga jer jetispeidi. 350 myńdai mal basy úshin 4 mln ga jaiylym qajet, qazir 2,6 mln ga ǵana bar.
– Reseimen federatsiiaǵa jalǵa berilgen Aqai, Tóretam degen 60 myń gektardy qaitarý týraly aldyn ala kelisim jasaldy. Endi úkimetaralyq komissiianyń qaraýyna usynylady, – dedi óńir ákimdigi.
Sonymen qatar, Ekologiia jáne tabiǵi resýrstar ministrligine orman qory quramynan 600 myń ga jer bólý usynyldy. Bul ýchaskeler 26 eldi mekenge mal jaiý úshin qajet. Ári maqsaty boiynsha paidalanylmaǵan 9 myń gektar jerdi jaiylymǵa bólý josparda bar.
Osyǵan deiin aýyl sharýashylyǵy ministri Erbol Qarashókeev 17 oblystyń 15-de mal jaiýǵa jer jetpeitinin aitqan bolatyn.
