Batys Qazaqstanda bógde adamdardy paidalana otyryp, taýarlardy jalǵan jetkizgendigi anyqtaldy. Bul týraly Memlekettik kirister komiteti habarlady.
2021 jylǵy 11 maýsymda Qazaqstan-Resei shekarasyndaǵy «Syrym» ótkizý pýnktinde BQO boiynsha MKD eksporttyq baqylaý qyzmetkerleri 1189 313 rýbl nemese 6 957 481 teńge somasyna halyq tutynatyn taýarlary tielgen qazaqstandyq firmanyń atyna tiesili Resei Federatsiiasynan kele jatqan avtokólik quraly toqtatylyp, ustaldy.
Derekterdi taldaý nátijesinde qazaqstandyq firmanyń taýar importyna qatysy joq ekendigi anyqtaldy. Al jalǵyz quryltaishy men basshy bolyp tabylǵan tulǵa uiymnyń qarjy-sharýashylyq qyzmetine eshbir qatysy joq jáne spirttik ishimdik ishkeni úshin birneshe ret ákimshilik jaýapkershilikke tartylǵan, turǵylyqty jeri joq adam bolyp shyqty.
«Qazirgi ýaqytta is boiynsha barlyq mán-jailar anyqtalýda jáne QQS tólemeý túrindegi biýdjet shyǵyndarynyń somasy anyqtalýda. Barlyq qatysy bar tulǵalar qoldanystaǵy zańnamaǵa sáikes jaýapkershilikke tartylatyn bolady», - dedi komitetten.
