باتىس قازاقستاندا بٶگدە ادامداردى پايدالانا وتىرىپ, تاۋارلاردى جالعان جەتكٸزگەندٸگٸ انىقتالدى. بۇل تۋرالى مەملەكەتتٸك كٸرٸستەر كوميتەتٸ حابارلادى.
2021 جىلعى 11 ماۋسىمدا قازاقستان-رەسەي شەكاراسىنداعى «سىرىم» ٶتكٸزۋ پۋنكتٸندە بقو بويىنشا مكد ەكسپورتتىق باقىلاۋ قىزمەتكەرلەرٸ 1189 313 رۋبل نەمەسە 6 957 481 تەڭگە سوماسىنا حالىق تۇتىناتىن تاۋارلارى تيەلگەن قازاقستاندىق فيرمانىڭ اتىنا تيەسٸلٸ رەسەي فەدەراتسيياسىنان كەلە جاتقان اۆتوكٶلٸك قۇرالى توقتاتىلىپ, ۇستالدى.
دەرەكتەردٸ تالداۋ نەتيجەسٸندە قازاقستاندىق فيرمانىڭ تاۋار يمپورتىنا قاتىسى جوق ەكەندٸگٸ انىقتالدى. ال جالعىز قۇرىلتايشى مەن باسشى بولىپ تابىلعان تۇلعا ۇيىمنىڭ قارجى-شارۋاشىلىق قىزمەتٸنە ەشبٸر قاتىسى جوق جەنە سپيرتتٸك ٸشٸمدٸك ٸشكەنٸ ٷشٸن بٸرنەشە رەت ەكٸمشٸلٸك جاۋاپكەرشٸلٸككە تارتىلعان, تۇرعىلىقتى جەرٸ جوق ادام بولىپ شىقتى.
«قازٸرگٸ ۋاقىتتا ٸس بويىنشا بارلىق مەن-جايلار انىقتالۋدا جەنە ققس تٶلەمەۋ تٷرٸندەگٸ بيۋدجەت شىعىندارىنىڭ سوماسى انىقتالۋدا. بارلىق قاتىسى بار تۇلعالار قولدانىستاعى زاڭناماعا سەيكەس جاۋاپكەرشٸلٸككە تارتىلاتىن بولادى», - دەدٸ كوميتەتتەن.
