Samara jaqtan Qazaqstan-Resei shekarasynda 200-250 kólikke deiin uzyn sonar kezek paida boldy. Biraq shekaradan jaiaý ótýge niettiler odan da kóp. Bul týraly qazaqstandyq "Moi gorod" portaly jazdy, - dep habarlaidy Tengrinews.kz.
Birneshe shaqyrymǵa sozylǵan kólikter tizbegi shekaradan áldeqaida buryn kórinedi.
"Mashtakovo" beketinde kezek paida bolǵan. Reseilikter elden jappai ketip jatyr. Kópshiligi jýrnalistermen sóilesýge ashyq, biraq aty-jónin jasyrýdy suraidy.
"Mobilizatsiia jariialana salysymen zattarymdy sómkege salyp, dosymmen ketip qaldym. Árine, elimizdiń istep jatqanymen kelispeimiz. Soǵysqa qarsy mitingilerdiń bárine derlik bardym, sońǵy ret meni alyp ketip, 12 saǵat boiy adam shydamaityn jaǵdaida bólimshede ustady", - deidi Toliatti turǵyny Dmitrii.
"Mitingige shyqqan joqpyn, qorqamyn, otbasym bar! Keshe mobilizatsiia jariialanǵan kezde otbasymdy qaýipsiz jerde qaldyryp, salystyrmaly túrde qaýipsiz jerde, ózim Qazaqstanǵa kettim. Qazir elimizde bári salystyrmaly bolyp ketti", - dedi samaralyq Ivan.
Bizdiń elde olardyń tanystary joq. Jaqyn bolǵandyqtan Oraldy tańdaǵan. Munda ne isteidi - bilmeidi.
"Biz ómir súrýdi qalaimyz, soǵysýdy emes... Jigitter Toliattidegi zaýytta qaldy. Saǵat 20.00-ge deiin bárine shaqyrtý qaǵazy kelgenin jazdy", - deidi olar.
Shekarashylar basylymǵa 21 qyrkúiekte tústen keiin bári tynysh bolǵanyn, ondai kezek bolmaǵanyn aitty. Keshke qarai kólikter kele bastaǵan.
"Qazir 200-250-dei kólik tur, taǵy qanshama adam jaiaý ótýge nietti", - deidi shekarashylar.
Bul rette Oral qonaqúilerine kelýshiler kóp. Qalada mundai adam aǵyny buryn-sońdy bolmaǵan.
"Kesheden beri onlain brondap, bylai da kelip jatyr. Baǵany ózgertken joqpyz, ol bekitilgen", - dedi Oraldaǵy qonaqúilerdiń biriniń ákimshisi.
Sýretter jáne video: mgorod.kz.
Eske salaiyq, 21 qyrkúiekte Reseide ishinara mobilizatsiia jariialandy. Resei biligi armiiaǵa 300 000 zapastaǵy áskeridi shaqyrýǵa nietti.
