Batys Qazaqstan oblysynda shekarashylar iri kólemde esirtki partiiasyn anyqtady, dep habarlaidy QR UQK baspasóz qyzmeti.
««Syrym» avtomobil ótkizý pýnktinde (Batys Qazaqstan oblysy) «Ledi» atty qyzmettik itti paidalana otyryp Qyrǵyz Respýblikasy azamaty mingen «Renault Magnum» avtomashinasynda jalpy salmaǵy 135 kg 493 gr 52 mg aq-sur tústi untaq avtomobildiń artqy dóńgelekterinde jasyrylǵany anyqtaldy» delingen habarlamada.
Tárkilengen zat odan ári protsestik áreketter júrgizý úshin UQK Batys Qazaqstan oblysy boiynsha departamentine berildi.
Saraptama nátijeleri boiynsha ol salmaǵy 39 kg 341 gr 77 mg geroin jáne salmaǵy 96 kg 151 gr 75 mg gashish ekeni anyqtaldy.
Ótkizý pýnktterinde tekserý júrgizý kezinde qyzmettik itter taptyrmaityn kómekshi boldy.
Ótken jyldyń jeltoqsan aiynda «Djek» atty qyzmettik ittiń kómegimen qazaqstan-qyrǵyz shekarasynda jalpy salmaǵy 60 kg 370 gr geroinniń iri partiiasy tabyldy.
