Búgin Májilistiń jalpy otyrysynda shekara mańynda turatyn qazaqstandyqtar úshin Qazaqstan-Resei memlekettik shekarasyn kesip ótý tártibi jeńildetý maquldandy, – dep habarlaidy UltAqparat.
Májilis depýtattary «2006 jylǵy 3 qazandaǵy QR Úkimeti men RF Úkimeti arasyndaǵy QR jáne RF-nyń shekara mańyndaǵy aýmaqtary turǵyndarynyń Qazaqstan-Resei memlekettik shekarasyn kesip ótý tártibi týraly kelisimge ózgerister engizý týraly hattamany ratifikatsiialaý týraly» QR Zań jobasyn maquldady.
«Eki el arasyndaǵy shekara 7500 km-den asady jáne ol álemdegi eń uzyn shekara sanalady. Qazirgi ýaqytta Qazaqstan-Resei shekarasynda 51 ótkizý beketi bar. Olardyń 30-y avtokólik, 20-y temirjol jáne bireýi ózen arqyly ótedi. Sonymen birge shekara mańyndaǵy turǵyndarǵa arnalǵan 86 ótý beketi jumys atqarýda. Qazaqstannyń ishki zańnamada azamattardy tirkeý kitabynyń kúshin joiýyna jáne mekenjai anyqtamasyn engizýine orai 2006 jylǵy kelisimge tiisti ózgerister engizýdiń qajettiligi týyndady. Bul ózgerister 2018 jyly 9 qarashada qol qoiylǵan hattamamen engizildi. Qazirgi ýaqytta aýyldyq aýmaqtardyń internet jelisin qoldaný arqyly mekenjai kýáligin beretin múmkindigi bar. Osyǵan bailanysty bul hattamany qabyldaý Qazaqstan-Resei memlekettik shekarasynyń mańyndaǵy aýmaqtarda turatyn Qazaqstan azamattarynyń ótý úderisin jeńildetýge jáne tártipke keltirýge múmkindik beredi» dep tanystyrdy Syrtqy ister ministri Beibit Atamqulov Zań jobasyn.
Ministrdiń aitýynsha, mekenjai anyqtamalary merzimsiz bolady ári aldaǵy ýaqytta bundai anyqtamanyń belgili bir úlgisi paida bolady. Buǵan qosa, mobildi HQKO-lar kóptep jumys atqaratyn bolady.
