Indýstriia jáne infraqurylymdyq damý ministrligi Resei men Belarýs júktasymaldaýshylaryna qatysty sheshimin jariialady, dep jazady "Ult aqparat" vedomstvonyń baspasóz qyzmetine silteme jasap.
Ministrlik aqparatyna sáikes, halyqaralyq avtokólik tasymaly salasyndaǵy álemdik tájiribege sáikes, ulttyq avtokólik tasymaldaýshylardyń múddelerin qorǵaý maqsatynda ishki zańnamada úshinshi elderge/elderden júk tasymalyna shekteýler engiziledi, onyń ishinde "qaita tieý" boiynsha shekteý bar.
Qazaqstanda atalǵan talaptar 2017 jyly Investitsiialar jáne damý ministrliginiń "Qazaqstan Respýblikasynda halyqaralyq qatynasta avtomobil tasymaldarynyń ruqsat berý júiesin qoldaný qaǵidalaryn bekitý týraly" buiryǵymen engizildi.
Osy talaptardy buzǵany úshin Qazaqstan Respýblikasynda 200 AEK (ATS júrgizýshilerine) jáne 500 AEK (zańdy tulǵalarǵa) mólsherinde ákimshilik aiyppul qarastyrylǵan. Bul rette, "qaita tieýge" tyiym salatyn talaptar sheteldik tasymaldaýshylarmen qatar qazaqstandyq tasymaldaýshylarǵa da birdei dárejede qoldanylady.
Osyǵan uqsas talaptar Resei Federatsiiasynda RF Kólik ministriniń 2015 jylǵy 14 qazandaǵy № 301 buiryǵymen jáne "Úshinshi memleketterdiń júkterin halyqaralyq avtomobil tasymaldaryn oryndaý erekshelikterin bekitý týraly" RF Kólik ministrliginiń 2020 jylǵy 28 shildedegi № 259 jańa buiryǵynda belgilengen bolatyn. Resei Federatsiiasynda osy normany buzǵany úshin 150 000 rýbl kóleminde aiyppul qarastyrylǵan.
"Qazirgi geosaiasi jaǵdaiǵa bailanysty jaqyn arada reseilik jáne belarýstik ýákiletti organdarmen qazaqstandyq tarapty habardar etpei, 2023 jylǵy 1 qańtarǵa deiin "qaita tieýge" tyiym salý týraly talaptardyń áreket etýi toqtatyla turǵan.
Osyǵan bailanysty Qazaqstanda "qaita tieýge" tyiym salý týraly talap qoldanysta ekenin aita ketken jón.
2022 jylǵy 30 mamyrda Qazaqstan men RF Úkimet basshylarynyń kezdesýi barysynda "qaita tieýge" tyiym salý talaptarynyń áreket etýin toqtata turý týraly habarlamany talqylaǵannan keiin, Qazaqstan tarapy túsinistik tanytyp, oryn alǵan jaǵdaidy tiimdi sheshýdi usyndy. "Qaita tieýge" tyiym salý týraly talap kelesi jyldyń basyna deiin belarýstik jáne reseilik tasymaldaýshylarǵa da qatysty qoldanylmaidy.
Qazirgi tańda Qazaqstan men Resei Federatsiiasynyń quzyretti memlekettik organdary men uiymdary tiisti konsýltatsiialar júrgizýde, olardyń nátijeleri boiynsha ózara qolaily sheshimder qabyldanatyn bolady" - delingen ministrlik habarlamasynda.
Osy rette Qazaqstan Respýblikasynyń zańnamasynda Úshinshi elderge/elderden halyqaralyq avtomobil tasymaldary kezinde qaita tieýdi júzege asyrý múmkindigine shekteý qoiylmaidy. Atalǵan maqsattarda ruqsat beretin arnaiy qujat alý qajet.
Búginde Qazaqstan Respýblikasynda Qazaqstannan Eýropa elderine júk tasymaldaýdy qamtamasyz etetin 40-qa jýyq kompaniia tirkelgen. Onda kólik quraldarynyń jalpy parki 3 myń birlikti quraidy.
