Qazaqstan Prezidenti Qasym-Jomart Toqaev Islam yntymaqtastyǵy uiymynyń ǵylym jáne tehnologiia jónindegi ekinshi sammitiniń ashylý rásimine qatysty, dep habarlaidy "Ult aqparat".
«IYU-nyń ǵylym jáne tehnologiia jónindegi ekinshi sammitiniń ashylýyna qatystym. Ǵylymi-tehnologiialyq jáne innovatsiialyq yntymaqtastyqty jandandyrýǵa qatysty birqatar usynys aittym» dep jazdy Memleket basshysy Twitter paraqshasynda.
Onyń aitýynsha, DDSU QazVac vaktsinasyn maquldaǵannan keiin Qazaqstan ony IYU elderine berýge daiyn.
«Jasandy intellekt, Big Data jáne kiberqaýipsizdik salalaryndaǵy birlesken jobalar úshin Nazarbaev Ýniversiteti men Astana IT Hub alańyn usynamyz. Sondai-aq Qazaqstan Uiymǵa múshe elder úshin bakalavriat baǵdarlamasy boiynsha otandyq ýniversitetterde 100 grant bólýge nietti» dep atap ótti Qasym-Jomart Toqaev.
