Memleket basshysy Qasym-Jomart Toqaev «Birge Jasyl Qazaqstan» sharasynyń aiasynda Botanikalyq baqta aǵash otyrǵyzyp, senbilikke qatysýshylarmen suhbattasty, dep habarlaidy "Ult aqparat" Aqordaǵa silteme jasap.
Sharaǵa Premer-Ministr Asqar Mamin, Úkimet músheleri, Nur-Sultan qalasynyń ákimi Altai Kólginov, sportshylar men oqýshylar qatysty.
Kógaldandyrýǵa arnalǵan senbilik barysynda Botanikalyq baqta 300 kóshet otyrǵyzyldy. Jalpy búgin Elorda kósheleri men saiabaqtarynda 5 myń aǵash egilip, qala ajaryn arttyra túspek. Sonymen qatar biyl kúzde «Ekologiialyq saǵat» sharasynyń sheńberinde elimiz boiynsha qosymsha 1 millionǵa jýyq kóshet egiledi.
