Iadrolyq qarýy joq árbir memleketke qaýipsizdiktiń zańdy turǵydan mindetti keri kepildikteri berilýi tiis. Bul týraly BUU Bas Assambleiasy 75-sessiiasynyń jalpysaiasi debattarynda sóz sóilegen QR Prezidenti Qasym-Jomart Toqaev aitty, dep habarlaidy "Ult aqparat".
«Pandemiia saldarynan biz taǵy da eki úlken syn-qatermen betpe-bet kelip otyrmyz. Birinshisi – iadrolyq qarýdy taratpaý jáne qarýsyzdaný daǵdarysy.
Búginde Qazaqstan óz erkimen iadrolyq arsenalynan bas tartqan jáne álemdegi eń iri atom synaq poligonyn japqan memleket retinde barsha álemge úlgi bolyp otyr. Osylaisha beibitshilik máselesine asa jaýapkershilikpen qaraityn el ekenin tanytty. Alaida, iadrolyq qarýdy taratpaý rejimi tolyq iske aspaǵandyqtan onyń qaýpi seiilgen joq. Osy oraida, barlyq múshe memleketter adamzatty iadrolyq apattan qutqarýǵa baǵyttalǵan qajetti ári kezek kúttirmes barlyq sharany qabyldaý týraly Qazaqstannyń iadrolyq derjava sanalatyn elderge joldaǵan úndeýin qoldaidy dep úmittenemin», - dedi Qazaqstan Prezidenti.
Qasym-Jomart Toqaev Qazaqstan BUU-nyń tiisti institýttarynyń, sonyń ishinde, Iadrolyq synaqtarǵa jappai tyiym salý týraly shart uiymynyń belsendi rólin joǵary baǵalaityndyǵyn basa aitty.
«Bul rette, iadrolyq qarýy joq árbir memleketke qaýipsizdiktiń zańdy turǵydan mindetti keri kepildikteri berilýi tiis dep sanaimyz. Biz «iadrolyq bestiktiń» barlyq memleketterin Iadrolyq qarýdan taza aimaqtar týraly sharttyń tiisti hattamalaryn, sonyń ishinde Semei shartyn ratifikatsiialaýǵa shaqyramyz«, - dedi Memleket basshysy.
