Qasym-Jomart Toqaev Dýshanbege resmi saparynyń sońynda Tájikstannyń Premer-Ministri Kohir Rasýlzodamen kezdesý ótkizdi, dep habarlaidy "Ult aqparat" Aqordanyń resmi saityna silteme jasap.
Qasym-Jomart Toqaev Kohir Rasýlzodaǵa Tájikstan Prezidentimen ótkizgen kelissózderdiń negizgi nátijeleri týraly aitty. Qazaqstan Prezidenti ekijaqty úkimetaralyq komissiianyń tetikterin paidalanýǵa qatysty ýaǵdalastyqqa qol jetkizilgeni jáne Emomali Rahmonnyń Qazaqstanǵa aldaǵy ýaqytta jasaityn memlekettik sapary aiasynda qosymsha kelisimder ázirleý jónindegi jospary jaiynda atap ótti.
Memleket basshysy qazaq tarapy yqpaldastyqtyń barlyq baǵyty boiynsha konstrýktivti jáne naqty jumystar júrgizetinin jetkizdi.
Kohir Rasýlzoda Qasym-Jomart Toqaevtyń bul sapary eki el Táýelsizdiginiń 30 jyldyǵynda ótip jatqanyn jáne onyń simvoldyq máni bar ekenin aitty.
