19-20 mamyr kúnderi Qasym-Jomart Toqaev Prezident Emomali Rahmonnyń shaqyrýymen Tájikstan Respýblikasyna resmi saparmen barady, dep habarlaidy Memleket basshysynyń baspasóz hatshysy Berik Ýáli Facebook-tegi paraqshasynda.
Sapar aiasynda Qasym-Jomart Toqaev pen Emomali Rahmon shaǵyn jáne keńeitilgen quramda ekijaqty kelissózder ótkizbek. Onda saiasi dialogty, saýda-ekonomikalyq, investitsiialyq jáne mádeni-gýmanitarlyq bailanystardy odan ári nyǵaita otyryp, qazaq-tájik strategiialyq seriktestigin damytýǵa basymdyq berilmek.
Kelissózder barysynda óńirlik kooperatsiiany jandandyrý, Ortalyq Aziiadaǵy turaqtylyq pen qaýipsizdikti qamtamasyz etý máselelerine erekshe mán beriledi.
