Memleket basshysy Qasym-Jomart Toqaev Qazaqstanǵa jumys saparymen kelgen Eýropadaǵy qaýipsizdik jáne yntymaqtastyq uiymynyń qazirgi tóraǵasy, Shvetsiianyń Syrtqy ister ministri Ann Lindeni qabyldady, dep habarlaidy "Ult aqparat" Aqordaǵa silteme jasap.
Qasym-Jomart Toqaev shved diplomatyna iltipat bildirip, onyń elimizge jasaǵan sapary EQYU-nyń qazirgi tóraǵasy retinde de, Shvetsiianyń syrtqy saiasi vedomstvosynyń basshysy turǵysynan da óte mańyzdy ekenin atap ótti.
– Qazaqstan Eýropadaǵy qaýipsizdik jáne yntymaqtastyq uiymynyń qaǵidattary men qundylyqtaryna beiil ekenin aitqym keledi. Siz basqaryp otyrǵan Uiymmen aradaǵy yntymaqtastyq – syrtqy saiasattaǵy basymdyqtarymyzdyń biri. Biz atalǵan Uiymmen de, oǵan múshe memlekettermen de aradaǵy tyǵyz yqpaldastyqty nyǵaita túsýge daiynbyz, – dedi Qasym-Jomart Toqaev.
Memleket basshysy 2010 jyly Astanada ótken EQYU-nyń tarihi sammitiniń qorytyndylary Uiymnyń damýyna tyń serpin bergenin jáne onyń asa mańyzdy ekenin atap ótti.
Prezident ekijaqty bailanystardyń perspektivalaryn talqylaý barysynda Qazaqstannyń Shvetsiiamen aradaǵy ózara yqpaldastyqty ekonomikalyq jáne gýmanitarlyq salalarǵa basa mán bere otyryp, odan ári nyǵaitýdy kózdeitinine toqtaldy.
Óz kezeginde Ann Linde Qasym-Jomart Toqaevqa qonaqjailyq kórsetkeni úshin alǵys bildirip, EQYU-nyń qazirgi tóraǵasy retindegi osy saparynyń ózi úshin mańyzdy ekenin jetkizdi.
– EQYU men Qazaqstan arasyndaǵy qarym-qatynastarǵa zor mán beretinimizdi atap ótkim keledi, – dedi Shvetsiianyń Syrtqy ister ministri.
Ann Linde Qasym-Jomart Toqaevqa EQYU-nyń qazirgi tóraǵasy laýazymyndaǵy óz jumysynyń alǵashqy qorytyndylary, aldaǵy jumystary, onyń ishinde, Ortalyq Aziia baǵytyndaǵy jumys josparlary týraly málimet berdi.
Áńgimelesý barysynda Vankýverden Vladivostokqa deiingi Eýropa men Eýraziianyń aýqymdy keńistigindegi qaýipsizdiktiń syn-qaterleri men táýekelderi talqylandy. Sonymen qatar EQYU-nyń aldynda turǵan áskeri-saiasi, ekonomikalyq-ekologiialyq jáne adamzattyq siiaqty úsh ólshemdegi mindetti júzege asyrý joldary boiynsha pikir almasty.
