Qazaqstan Prezidenti Iadrolyq synaqtarǵa jalpyǵa birdei tyiym salý týraly shart uiymy Daiyndyq komissiiasynyń atqarýshy hatshysy Lassina Zerbomen kezdesti, dep habarlaidy Aqordanyń baspasóz qyzmeti.
Memleket basshysy búgingi kezdesý Iadrolyq synaqtarǵa qarsy halyqaralyq is-qimyl kúni ótip otyrǵanyna toqtalyp, bul kúndi belgileýge Qazaqstannyń bastamashy bolǵanyn aitty.
«Bári de 1991 jylǵy 29 tamyzda álemdegi eń iri iadrolyq synaq alańynyń jabylýynan bastalǵan bolatyn. Sodan keiin Nevadada jáne basqa da poligondarda synaqtar toqtatyldy. Biz iadrolyq qarý-jaraqtan bas tarttyq jáne sonyń arqasynda antiiadrolyq qozǵalys kóshbasshylarynyń qataryna qosyldyq», - dedi Nursultan Nazarbaev.
Lassina Zerbo Qazaqstan Prezidentimen kezdesýdiń osy kúni ótýiniń simvoldyq mánin atap ótip, ózi jetekshilik etetin uiymnyń jer betindegi iadrolyq synaqtarǵa qarsy turý jáne beibitshilikti saqtaý jolynda kúsh jumyldyra beretinin málimdedi.
Memleket basshysy kezdesý sońynda Qazaqstannyń antiiadrolyq bastamalaryna únemi atsalysyp júrgeni úshin L.Zerboǵa alǵys bildirdi.
