Qazaqstan Respýblikasynyń Prezidenti Qasym-Jomart Toqaev kórshiles memlekettermen strategiialyq seriktestikti damytýǵa airyqsha mán beredi. Mundai pikirdi 12-shi shaqyrylǵan Qytai halyqtyń saiasi konsýltativtik keńesiniń múshesi, tanymal jazýshy Aqbar Májit bildirdi, dep habarlaidy QazAqparat.
«12 maýsymda Qasym-Jomart Toqaevtyń Prezident bolyp sailanǵanyna bir jyl bolady. Memleket basshysy kórshilermen strategiialyq seriktestikti damytýǵa airyqsha mán berip otyr. QR Prezidenti Qasym-Jomart Toqaevtyń 2019 jyldyń qyrkúiek aiyndaǵy Qytai Halyq Respýblikasna memlekettik sapary barysynda taraptar birlesken málimdeme qabyldady. Onda eki memleket arasyndaǵy qarym-qatynasty máńgilik jan-jaqty strategiialyq seriktestik deńgeiine shyǵarý jaiy kórinis tapqan», - dedi ol.
Osy oraida qalamger 2020 jyly koronavirýs epidemiiasy búkil álemdi sharpyǵandyǵyn atap ótti.
«Indet alǵash ret Ýhanda taralyp, Qytai úshin COVID-19-ben kúrestegi eń qiyn kezeńde Qazaqstan 14,5 myń tonna gýmanitarlyq kómek jóneltti. Óz kezeginde Qazaqstanda koronavirýs infektsiiasynyń alǵashqy jaǵdaiy tirkelgen sátte qytai tarapy da gýmanitarly kómek kórsetken bolatyn», - dedi Aqbar Májit.
Sonymen qatar ol biyl Qazaqstan qazaqtyń uly aqyny Abai Qunanbaiulynyń 175 jyldyq mereitoiyn atap ótetindigine toqtaldy.
«Abai jáne HHI ǵasyrdaǵy Qazaqstan» maqalasyn aýdaryp otyryp, Qazaqstan Prezidenti Qasym-Jomart Toqaevtyń Abai shyǵarmashylyǵyn tereń túsinetindigin bilip, tań-tamasha boldym«, - dedi Qytaida turatyn qandasymyz.
Aita keteiik, Aqbar Májit - Qytai Halyq Respýblikasy Jazýshylar odaǵynyń múshesi, Qytai memlekettik syilyǵynyń laýreaty, QHR Jazýshylar odaǵynyń «Qytai jazýshylary« jýrnalynyń bas redaktory. Onyń 10-nan astam kitaby jaryq kórgen. Sonymen qatar ol Abai shyǵarmalaryn qytai tiline aýdarǵan
