Qazaqstan Prezidenti Qasym-Jomart Toqaev QHR Syrtqy ister ministri Van Idi qabyldady, dep habarlaidy "Ult aqparat" Aqordaǵa silteme jasap.
Taraptar ekijaqty yntymaqtastyqtyń qazirgi jaǵdaiy men perspektivalaryn, halyqaralyq jáne óńirlik uiymdar aiasyndaǵy yqpaldastyqty, COVID-19 indetiniń taralýyn boldyrmaý jónindegi is-qimyldardy úilestirý máselelerin talqylady.
Qasym-Jomart Toqaev tyǵyz saiasi dialogqa jáne ózara tiimdi saýda-ekonomikalyq yntymaqtastyqqa negizdelgen qazaq-qytai qatynastarynyń damý qarqyny men dostyq bailanystardy joǵary baǵalady.
Memleket basshysy ekonomikanyń túrli salalaryndaǵy investitsiialyq jobalardy, sonyń ishinde aýyl sharýashylyǵy baǵytyndaǵy jobalardy júzege asyrýdyń mańyzdy ekenin atap ótti. «Qazaqstandyq ónim óndirýshilerdiń aýyl sharýashylyǵy boiynsha Qytaiǵa eksporttaityn ónimderiniń, atap aitqanda dándi jáne maily daqyldardyń nomenklatýrasy úlken».
Prezident jan-jaqty strategiialyq seriktestikke qosymsha serpin berý maqsatymen QHR Tóraǵasy Si Tszinpindi Qazaqstanǵa saparmen kelýge shaqyrǵanyn naqtylady.
Van I óz kezeginde Qytai basshysynyń jyly lebizi men aýyzsha sálemdemesin jetkizdi. Si Tszinpinniń aitýynsha: «Qazaqstan - aimaqtaǵy mańyzdy strategiialyq seriktes jáne Qytai eki el halyqtarynyń igiligi jolynda ózara yntymaqtastyqty jan-jaqty nyǵaitýǵa ázir».
Qytai diplomaty «QHR basshylyǵy QR Prezidenti jariialaǵan Qazaqstan qoǵamynyń qajettilikterin eskere otyryp, saiasi jáne áleýmettik-ekonomikalyq jańǵyrtýlarǵa baǵyttalǵan reformalardy quptaidy» dedi.
Sonymen qatar Van I QHR-diń ekijaqty kún tártibiniń mańyzdy bóligi bolyp tabylatyn Qazaqstanmen saýda-ekonomikalyq bailanystardy keńeitýge zor kóńil bóletinin atap ótti. Osy oraida Van I Qazaqstan delegatsiiasyn Qytaida ótetin EKSPO Halyqaralyq import kórmesine qatysýǵa shaqyrdy.
Áńgimelesý barysynda taraptar halyqaralyq ózekti máseleler boiynsha, atap aitqanda koronavirýs infektsiiasyna qarsy is-qimyl salasyndaǵy yntymaqtastyq jóninde de pikir almasty. Memleket basshysy Qytai tarapyna ýaqytyly kórsetilgen gýmanitarlyq jáne meditsinalyq kómek úshin alǵys bildirip, pandemiiaǵa qarsy kúreste birlesken shara qoldanýǵa ázir ekenin aitty.
Kezdesý sońynda taraptar uzaq merzimdi jan-jaqty strategiialyq áriptestikti odan ári nyǵaitýǵa daiyn ekenderin bildirdi.
