قازاقستان پرەزيدەنتٸ قاسىم-جومارت توقاەۆ قحر سىرتقى ٸستەر مينيسترٸ ۆان يدٸ قابىلدادى, دەپ حابارلايدى "ۇلت اقپارات" اقورداعا سٸلتەمە جاساپ.
تاراپتار ەكٸجاقتى ىنتىماقتاستىقتىڭ قازٸرگٸ جاعدايى مەن پەرسپەكتيۆالارىن, حالىقارالىق جەنە ٶڭٸرلٸك ۇيىمدار اياسىنداعى ىقپالداستىقتى, COVID-19 ٸندەتٸنٸڭ تارالۋىن بولدىرماۋ جٶنٸندەگٸ ٸس-قيمىلداردى ٷيلەستٸرۋ مەسەلەلەرٸن تالقىلادى.
قاسىم-جومارت توقاەۆ تىعىز ساياسي ديالوگقا جەنە ٶزارا تيٸمدٸ ساۋدا-ەكونوميكالىق ىنتىماقتاستىققا نەگٸزدەلگەن قازاق-قىتاي قاتىناستارىنىڭ دامۋ قارقىنى مەن دوستىق بايلانىستاردى جوعارى باعالادى.
مەملەكەت باسشىسى ەكونوميكانىڭ تٷرلٸ سالالارىنداعى ينۆەستيتسييالىق جوبالاردى, سونىڭ ٸشٸندە اۋىل شارۋاشىلىعى باعىتىنداعى جوبالاردى جٷزەگە اسىرۋدىڭ ماڭىزدى ەكەنٸن اتاپ ٶتتٸ. «قازاقستاندىق ٶنٸم ٶندٸرۋشٸلەردٸڭ اۋىل شارۋاشىلىعى بويىنشا قىتايعا ەكسپورتتايتىن ٶنٸمدەرٸنٸڭ, اتاپ ايتقاندا دەندٸ جەنە مايلى داقىلداردىڭ نومەنكلاتۋراسى ٷلكەن».
پرەزيدەنت جان-جاقتى ستراتەگييالىق سەرٸكتەستٸككە قوسىمشا سەرپٸن بەرۋ ماقساتىمەن قحر تٶراعاسى سي تسزينپيندٸ قازاقستانعا ساپارمەن كەلۋگە شاقىرعانىن ناقتىلادى.
ۆان ي ٶز كەزەگٸندە قىتاي باسشىسىنىڭ جىلى لەبٸزٸ مەن اۋىزشا سەلەمدەمەسٸن جەتكٸزدٸ. سي تسزينپيننٸڭ ايتۋىنشا: «قازاقستان - ايماقتاعى ماڭىزدى ستراتەگييالىق سەرٸكتەس جەنە قىتاي ەكٸ ەل حالىقتارىنىڭ يگٸلٸگٸ جولىندا ٶزارا ىنتىماقتاستىقتى جان-جاقتى نىعايتۋعا ەزٸر».
قىتاي ديپلوماتى «قحر باسشىلىعى قر پرەزيدەنتٸ جارييالاعان قازاقستان قوعامىنىڭ قاجەتتٸلٸكتەرٸن ەسكەرە وتىرىپ, ساياسي جەنە ەلەۋمەتتٸك-ەكونوميكالىق جاڭعىرتۋلارعا باعىتتالعان رەفورمالاردى قۇپتايدى» دەدٸ.
سونىمەن قاتار ۆان ي قحر-دٸڭ ەكٸجاقتى كٷن تەرتٸبٸنٸڭ ماڭىزدى بٶلٸگٸ بولىپ تابىلاتىن قازاقستانمەن ساۋدا-ەكونوميكالىق بايلانىستاردى كەڭەيتۋگە زور كٶڭٸل بٶلەتٸنٸن اتاپ ٶتتٸ. وسى ورايدا ۆان ي قازاقستان دەلەگاتسيياسىن قىتايدا ٶتەتٸن ەكسپو حالىقارالىق يمپورت كٶرمەسٸنە قاتىسۋعا شاقىردى.
ەڭگٸمەلەسۋ بارىسىندا تاراپتار حالىقارالىق ٶزەكتٸ مەسەلەلەر بويىنشا, اتاپ ايتقاندا كوروناۆيرۋس ينفەكتسيياسىنا قارسى ٸس-قيمىل سالاسىنداعى ىنتىماقتاستىق جٶنٸندە دە پٸكٸر الماستى. مەملەكەت باسشىسى قىتاي تاراپىنا ۋاقىتىلى كٶرسەتٸلگەن گۋمانيتارلىق جەنە مەديتسينالىق كٶمەك ٷشٸن العىس بٸلدٸرٸپ, پاندەميياعا قارسى كٷرەستە بٸرلەسكەن شارا قولدانۋعا ەزٸر ەكەنٸن ايتتى.
كەزدەسۋ سوڭىندا تاراپتار ۇزاق مەرزٸمدٸ جان-جاقتى ستراتەگييالىق ەرٸپتەستٸكتٸ ودان ەرٸ نىعايتۋعا دايىن ەكەندەرٸن بٸلدٸردٸ.
