Qazaqstan Prezidenti Qytai Halyq Respýblikasy Memlekettik keńesiniń Premeri Li Ketsianmen kezdesti, dep habarlaidy "Ult aqparat" Aqordaǵa silteme jasap.
Nursultan Nazarbaev Li Ketsiandi Qytai Memlekettik keńesiniń Premeri laýazymyna taǵaiyndalýymen jáne Qytai Halyq Respýblikasy Kompartiiasynyń HIH seziniń tabysty ótýimen quttyqtady.
Qazaqstan Prezidenti eki el arasyndaǵy saiasi jáne ekonomikalyq áriptestiktiń jańa deńgeige kóterilgenine toqtalyp, onyń ózara tiimdi yntymaqtastyqtyń úlgisi bolýǵa tiis ekenin aitty.
– Men Sizdiń 2014 jylǵy jeltoqsan aiynda Qazaqstanǵa kelgen saparyńyzdy oiyma alyp otyrmyn. Sol kezde Siz elderimiz arasyndaǵy birlesken indýstrialdy-investitsiialyq baǵdarlamany júzege asyrý úshin óte qyzyqty ári batyl ideialar usyndyńyz. Osy bastamanyń arqasynda Sizben birge jalpy kólemi 28 milliard dollardy quraityn 51 jobaǵa qol qoidyq. Solardyń 11-i júzege asyrylyp jatyr, – dedi Nursultan Nazarbaev.
Sońynda taraptar energetika, kólik jáne aýyl sharýashylyǵy salalaryna qatysty ózara yntymaqtastyq máselelerin talqylady.
