Qazaqstan Prezidenti «Qazaqstan temir joly» UQ» AQ basqarma tóraǵasy Saýat Myńbaevty qabyldady, dep habarlaidy "Ult aqparat" Aqordaǵa silteme jasap.
Memleket basshysyna temir jol kóligi salasynyń qazirgi damý jaǵdaiy jáne keleshegi týraly aqparat berildi.
Qasym-Jomart Toqaev elimizdiń kólik-logistikalyq áleýetin arttyrý, eksport jáne tranzit tasymaldaryn ulǵaitý, kólik qyzmetiniń sapasyn jaqsartý qajettigine nazar aýdardy.
Saýat Myńbaev Túrkistan oblysy Arys qalasyndaǵy tótenshe jaǵdai kezinde jolaýshylar men júk tasymaldaryn uiymdastyrý jónindegi qabyldanǵan sharalar týraly baiandady. Sonymen qatar, «QTJ» UQ» AQ basshysy konteinerlik tasymaldar salasyndaǵy jaǵdai, jolaýshylarǵa qyzmet kórsetýdi jaqsartý úshin júrgizilip jatqan jumystar, operatsiialyq irkilisterdi azaitý týraly málimet berdi.
Kezdesý qorytyndysy boiynsha Qazaqstan Prezidenti birqatar naqty tapsyrma berdi.
